Briefwisseling van Hugo Grotius. Deel 10

4122. 1639 mei 21. Aan A. Oxenstierna¹⁵.

Excellentissime atque illustrissime domine,

Medicus regis¹⁶ Bovarsius¹⁷ dixit regi nihil certi affirmare se posse de regis valetudine, si rex publicis negotiis se ultra immisceat. Id a cardinali¹⁸ dictatum creditur, ut viam sibi paret ad regentis titulum, sicut alia ex parte multis modis pontificem¹⁹ territat, ut legati perpetui jus ab eo obtineat. Sic conjuncta potestate

15 Gedrukt Epist., p. 531; Oxenst. Skrifter 2. afd. II, p. 609.

16 Lodewijk XIII.

17 Charles Bouvard († 1658).

18 Richelieu.

19 Urbanus VIII.

[p. 343]

utraque civili et ecclesiastica sperat futurum, ut ad potentiam, quam nunc habet, adjungat etiam nominis fulgorem jurisque speciem. Quod quo sit evasurum, videbimus.

Tuae Sublimitati, Excellentissime et illustrissime domine, omnia quam felicissime succedant bono regni Suedici reique christianae.

Tuae Sublimitatis cultor devotissimus
H. Grotius.

Lutetiae, 11/21 Maii 1639.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.