Briefwisseling van Hugo Grotius. Deel 10

4060. 1639 april 11. Van P. de Groot⁵.

Venerande parens,

Ex tuis II Aprilis datis lubens intelligo D. baronem Oxesternium⁶ favorabilem mei, licet ab eo non meriti facere aestimationem. Ego eum tantum semel vidi cum hic esset D. Crusius⁷ et tunc quidem temporis ille morbo retentus decumbebat. Vereor ne, quandoquidem tamdiu Boxhornii⁸ convictor fuit, multum Heinsiani imbiberit, est enim ille Boxhornius hodie Heinsio⁹ quod olim Scaligero¹⁰ Heinsius fuit. Forte etiam male iudico et quidem spero; nihil tamen nocuerit etiam hoc non ignorasse.

De Petaviano quod scribis scripto¹¹ nihil hic audivi praeter ea quae nuper mihi cum D.^o Jansono¹² fuisse verba ad te rescripsi. De Cassio¹³ non ero immemor. Pervenit ille ad summam, ut audio, fortunam neque ingratus eorum videtur, quae tibi se debere libens agnoscit.

5 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr.

6 Gabriel Gabrielsson Oxenstierna. Grotius' brief van 2 april is niet teruggevonden.

7 Johan Jespersson Kruus.

8 Marcus Zuerius Boxhorn.

9 Daniel Heinsius.

10 Joseph Justus Scaliger.

11 Zie no. 3944, p. 53 n. 3.

12 Samson Johnson, hofpredikant van Elisabeth Stuart, gewezen koningin van Bohemen, de Winterkoningin.

13 Christian Cassius (1609-1676), raad van Johann, hertog van Holstein-Gottorp.

[p. 248]

Ex iis, quas hac septimana a D.^o Crusio accepi, inter alia haec habeo D. Smalzium¹ diu ab aula abfuisse, rediisse tandem, sed multum ei iratum esse D. magnum cancellarium² ob ea, quae in Gallia nuper egit, nihil tamen eum de sueta superbia remittere.

Ex omnibus, quae mihi a D. Crusio mittuntur, magis magisque colligo propensum eius in nos animum. Si quod per eum nobis praestari posse officium putes, rogo mihi significes; de eius enim sinceritate non dubito.

Deus, venerande parens, vobis det omnia prosperrima.

Tibi obedientissimus filius
P. Grotius.

1 Peter Abel Schmalz.

2 De Zweedse kanselier Axel Oxenstierna.

Hagae Com., XI Apr. MDCXXXIX.

Adres: Monsieur Monsieur Grotius, Conseillier de Sa Ma.^té de Suède et Son Ambassadeur à Paris.

Boven aan de brief schreef Grotius: 11 Aprilis 1639. P. de Groot.

En in dorso: Rec. 19 April.