Briefwisseling van Hugo Grotius. Deel 10

[p. 46]

3939. 1639 januari 22. Aan J. de la Gardie¹.

Excellentissime atque illustrissime domine,

Ut D. Soucheo² ea praestem omnia, quae proficisci a me possunt, sufficere poterant vel auctoritas apud me Sublimitatis tuae vel meritorum illius praedicatio.

Nunc cum utrunque hoc ad ejus commendationem coëat, hoc magis annitar, ut desideria ejus non subsequar tantum, sed et, si possim, praeveniam.

Rogo autem Sublimitatem tuam, ne ulla in re, quae ad ipsam amicosve ejus pertineat, meae parcat operae; nihil enim opto magis quam Excellentissimis regni rectoribus³ et universis inservire publice et singulis privatim.

Deus, Excellentissime et illustrissime domine, Sublimitatem tuam diu regno nobisque omnibus incolumen servet.

Tuae Sublimitatis cultor devotissimus
H. Grotius.

1 Gedrukt Epist., p. 498. Jacob Pontusson de la Gardie (1583-1652), vermaard Zweeds generaal.

2 Louis Raduit de Souches.

3 Voor hun namen zie men no. 3930, p. 32 n. 9.

Lutetiae, 12/22 Ianuarii 1639.