Briefwisseling van Hugo Grotius. Deel 9

3881. 1638 december 10. Aan A. Oxenstierna³.

Excellentissime atque Illustrissime Domine,

Et Anglica aula et Gallica strepunt cantibus, choraeis, comoediis pereunte interim Palatino⁴, Gallia non quidem pereunte, sed gravissima metuente, si de Brissaco res minus successerit. Quam rem, nunc difficillimam, facillimam facere antehac in regis⁵ fuit manu. At is levi auditu seria transmittens noctes insomnes diesque anxios agit ob ferociam Hautefortiae⁶, cujus amore quanquam innocente non minus cruciatur quam Venereis quondam amoribus pater⁷. Puella autem superbiens et formae et ingenii conscientia minatur ad exemplum Fayettae⁸ velle se aulicam vitam mutare monastica, nempe quia avia⁹ ipsius locum principem apud reginam¹⁰ obtinere non potuit praelata domina Brassaca¹¹, cardinalis¹²

3 Gedrukt Epist., p. 486; Oxenst. Skrifter 2. afd. II, p. 554.

4 Karl Ludwig van de Palts.

5 Lodewijk XIII.

6 Marie de Hautefort.

7 Hendrik IV.

8 Louise-Angélique Motier de La Fayette.

9 Madame de la Flotte-Hauterive.

10 Anna van Oostenrijk, koningin van Frankrijk.

11 Catharine de Sainte-Maure, gravin van Brassac.

12 De Richelieu.

[p. 740]

propinqua. Id rex metuens per omnia monasteria edixit, necubi admittatur. Cum regina optime convenit Hautefortia, quod rarum inter uxores et amicas eorundem principum. Spero nihil mali fore, sed saepe in Gallia per mulieres aguntur non muliebres fabulae. Et certe rescivi paulo prius quam Fayetta ab aula se subduceret, structa fuisse omnia et ad cardinalem Riceliacum capiendum et ad pacem faciendam cum Hispano¹.

Haec significari haud multum forte interest, nisi ut cognoscatur, quam saepe hic levia praevertantur maximis, tum vero quantae quamque repentinae mutationes rerum consiliis hujus regiae et aliis ab ea non parum pendentibus intervenire possint.

Deus et haec et alia ad bonos regat exitus Tuaeque Sublimitatis, Excellentissime et Illustrissime Domine, et consilia aspiret optima et consiliis addat felicitatem.

Tuae Sublimitatis devotissimus cultor
H. Grotius.

1 Philips IV van Spanje.

Lutetiae, 10 Decembris novi Calendarii anni 1638.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.