Briefwisseling van Hugo Grotius. Deel 9

3844. 1638 november 13. Aan A. Oxenstierna¹¹.

Excellentissime atque Illustrissime Domine,

Quantum et ex Veneti¹² et ex Heufdii¹³ sermonibus colligo, Galli aut bellum

11 Hs. Stockholm, RA. Gedrukt Epist., p. 479; Oxenst. Skrifter 2. afd. II, p. 545.aant.

12 Anzolo Correr.

13 Johan Hoeufft, bankier te Parijs.

[p. 694]

trahere volunt aut, si id ob aversos et populi et pontificis¹ animos minus fieri potest, venire ad indutias. Neque id mirum, cum nihil in Gallia teneat hostis, ipse autem in externo solo multa, quae per indutias sperant se posse retinere, pace non item.

Interim res ducis Vinariensis² non ut ex re communi est sociorum hic curari manifestissimum est.

Multum metuit cardinalis³ ne hoc et aliis sumtis obtentibus Suedi seorsim a Gallia paciscantur. Ego omnibus affirmo omnia prius futura, quam ut gens Suedica fidem fallat.

Apparet et hoc esse Gallorum consilii in omnibus, quae cum hoste aut directe aut per conciliatores agentur, res sociorum sui arbitratus facere. Quod cum olfecerint Batavi, in diplomatis pro itinere comprehendi sub generali nomine foederatorum Galliae non ex suo usu duxerunt. Sed Batavos, etiam si quid Gallia cum hoste paciscatur, in bello manere Gallis sit utile, et ea in re puto adjutorem ipsis fore principem Arausionensem⁴ et alios quibus bellum lucro est.

Rogandus interim Deus, ut ad veram solidamque pacem omnium flectat animos Tuaeque Sublimitati, Excellentissime et Illustrissime Domine, salutaria adspiret.

Tuae Sublimitatis cultor devotissimus
H. Grotius.

1 Urbanus VIII.

2 Bernhard, hertog van Saksen-Weimar.

3 De Richelieu.

4 Frederik Hendrik.

Lutetiae, 3/13 Novemb. 1638.

Sentit rex pro Palatino⁵ nihil fieri posse, nisi plane constet, quid non in praesens tantum, sed et in futurum facere velit Anglia.

Demskio⁶ permissum est videre principem Casimirum⁷, sed ea lege, ne ei loquatur nisi Gallice Gallis praesentibus.

Miror, cardinalem, quod me docet Venetus, perstare in probanda ea, quam ipse conceperat, formula diplomatis pro Germanis, in quo est: non obstante crimine majestatis⁸.

5 Karl Ludwig van de Palts.

6 Peter Dembski, Koninklijk secretaris.

7 Jan II Kazimierz.

8 Dit postscriptum staat afgedrukt in Epist. ex Mus. Meerm., p. 277, waar voor de naam ‘Demskio’ abusievelijk ‘Deniskio’ staat.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.