Briefwisseling van Hugo Grotius. Deel 9

3824. 1638 november 1. Van P. de Groot¹².

Venerande parens,

Die Saturni praeterito, qui praecedentis mensis ultimus erat, ex Zelandia Hagam reversus sum. Omnes ibi nostri bene valebant, etiam vestri non immemores. Heri binas simul literas accepi, priores illas II Octobris datas, alteras XXII¹³.

Posteriores illas vel potius priores scriptas puto apud D. Spiringium¹⁴ tam diu detentas fuisse.

Gaudeo non improbari tibi amicitiam, quam cum D.^o Crusio¹⁵ colui et semper colam.

Libros per Treselium¹⁶ missos nondum ad te pervenisse non possum satis mirari. Mitto iterum ad eum Casauboni epistolas¹⁷ a D.^o Gronovio¹⁸ editas cum literis ejusdem, quas tamen melius curatum iri spero.

12 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr.

13 Ontbreken.

14 Petter Spiring Silvercrona.

15 Johan Jespersson Kruus.

16 Daniel Tresel te Rouaan.

17 Zie no. 3418, p. 31 n. 2.

18 Johann Friedrich Gronovius.

[p. 665]

Domestici illius archiopiscopi¹ pereruditi, qui apud reginam Bohemiae² venturus est et de quo ad me scribis, dabo operam, ut et cognitionem et amicitiam consequar.

Reginam matrem³ iam in Angliam appulisse non dubito, nonobstantibus mandatis, quae ille, qui hic res Anglicanas agit⁴, a rege⁵ acceperat, de divertendo ab isto itinere reginae animo.

Mitto tibi discursum hunc legati pontificii⁶ vel ejus domestici⁷ super pacis negotio, quem, quandoquidem typis expressus non est, mea manu descripsi. Si quid aliud lectu dignum prodierit, faciam te compotem.

Ea, quae infelicem Palatini principis⁸ pugnam secuta sunt ex novellis, quas etiam adjunxi⁹, videbis.

Deus, venerande parens, omnibus conatibus tuis benedicat.

Tibi obedientissimus filius
P. Grotius.

1 Samson Johnson, in dienst van William Laud, aartsbisschop van Canterbury.

2 Elisabeth Stuart, koningin van Bohemen.

3 Maria de Medici.

4 William Boswell.

5 Karel I van Engeland.

6 Martio, kardinaal Ginetti.

7 Wellicht Giuseppe Zongo Ondedei.

8 Karl Ludwig van de Palts.

9 Ontbreken.

Hagae Comitis, 1 Novemb. MDCXXXVIII.

Boven aan de brief schreef Grotius: Rec. 11 Nov.