Briefwisseling van Hugo Grotius. Deel 9

3798. 1638 oktober 11. Van P. de Groot¹.

Venerande parens,

In Zelandia etiamnum est senator Reygersbergius² detentus, ut iam scripsi³, aviae⁴ morbo. Ego nihil certi inde habeo, melius tamen sperare facit mora neque enim eius aetatis est avia, quae diu resistere violento morbo posset.

Hodie vocatus sum ad exequias D.^ae Vosbergiae⁵, quae ante dies aliquot⁶ decessit.

Amstelodami e(tia)m vita defunctus est D.^s Gravius⁷ consul et etiamnum morbo satis periculoso detinetur consul alter Hasselarius⁸. Plurimi hic grassantur morbi, plurimi adhuc timentur a medicis.

Princeps Arausionensis⁹ in diem sequentem Mercurii hic exspectatur.

Regina mater¹⁰, ubi Honcelaerdicae dies aliquot exegerat, clam se inde subduxit, ut in Angliam se reciperet inscio eo, qui¹¹ hic regis Angliae¹² res agit. Audio nunc Geervlietae detineri ob male faventem ventum.

De typographo D.^s Vossius¹³ iam ad vos scripserit. Laetus a D.^o Camerario¹⁴ intellexi restitutas iam tibi vires, quas febris subripuerat.

Deus, venerande parens, indies magis magisque saluti tuae consiliisque faveat.

Tibi obedientissimus filius
P. Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr.

2 Nicolaes van Reigersberch.

3 No. 3790.

4 Maria Nicolai.

5 Barbara Panhuys.

6 Er staat: aliquod.

7 Jacob de Graeff, gestorven op 6 oktober 1638.

8 Pieter Hasselaer (1583-1651).

9 Frederik Hendrik.

10 Maria de Medici.

11 William Boswell.

12 Karel I van Engeland.

13 Gerardus Johannes Vossius; zie no. 3802.

14 Ludwig Camerarius, Zweeds gezant in Den Haag.

Hagae Comitis, XI Oct. MDCXXXVIII.

Boven aan de brief schreef Grotius: Rec. 20 Oct.