Briefwisseling van Hugo Grotius. Deel 9

3761. 1638 september 11. Aan. A. Oxenstierna¹².

Excellentissime atque Illustrissime Domine,

Recreavit me in hoc languore, quem morbus reliquit, laetitia publica tanta certe, quanta unquam in ullo populo conspecta fuit, ingens fidumque argumentum, quantum a suis rex¹³ ametur, cum spem de prole ejus aliquando regnatura

12 Gedrukt Epist., p. 462; Oxenst. Skrifter 2. afd. II, p. 522.

13 Lodewijk XIII van Frankrijk.

[p. 568]

tanto cum gaudio excipiant. Post steriles annos matrimonii XXIII natus est regi 5 Septembris, ut hic numeramus, tribus ante meridiem horae quadrantibus puer pulcher¹ et vegetus. Ego, quanquam morbo non liber, apud patrem Josephum² et D. Chavigniacum³ - nam abest ad finem Belgicum cardinalis⁴ - per literas hoc gaudio perfunctus sum simulque commendavi utrique id, quod nunc in manu est, ducis Vinariensis⁵ negotium: nempe ut praeter pecuniam ex pacto debitam, quae jam ei ad mensem usque Augustum persoluta est, novo auxilio firmetur et liberalitate aliqua extraordinaria rebus actis adeo extraordinariis. Missos ad eum bis milites sane bonos, sed paucos et qui ducem imparem hosti facerent. Itaque ducem et omnem ejus exercitum bis in maximo internecionis fuisse periculo. Evasisse cum gloria, sed metuendum proverbium: quem saepe transit casus, aliquando invenit⁶. Plus millibus duobus equitum pede militare, quorum equos morbi absumpserint. Ut hoc damnum reparetur, pecunia opus: neque minus ad peragendum Brisaci obsidium, quod ni capitur, fore et quae capta sunt in periculo. Suedos vero jam potenter armatos tanto se in hostem commoturos alacrius, quanto impleri a rege Galliae viderint, quod praecipue in foedere Hamburgensi⁷ spectavit Suedia pepigitque, ut nempe vi omni Gallica arma in Germaniae penetralia inferantur.

Spero hos monitus neque intempestivos neque inutiles fore. Putat Truxius⁸ in Brisaco commeatus non esse, qui ultra duos menses sufficiant.

Ad Fontarabiam cuniculus quidam caeteris efficacior disjecit propugnaculum et in eo locarunt se Galli. Principis⁹ postremae literae brevi sperare nos deditionem jubent.

Opera, quae ad Castelletum fiunt, jam ad ipsum oppidi vallum pervenere. Sed in Italia Astam obsidet Hispanus¹⁰ nec quisquam est, qui ejus vim sistat.

Castilionaeus¹¹, quam recepisse dictus erat, gratiam aut non nisi imaginarie receperat aut iterum perdidit.

Praeter Cataletum nihil aliud acturi videntur Galli.

Deus, Excellentissime et Illustrissime Domine reginae¹², regno, Tuae Sublimitati sit fautor perpetuus.

Tuae Sublimitatis cultor devotissimus
H. Grotius.

1 Lodewijk XIV.

2 François Leclerc du Tremblay -père Joseph-.

3 Léon le Bouthillier, graaf van Chavigny.

4 De Richelieu.

5 Bernhard, hertog van Saksen-Weimar.

6 De herkomst van dit gezegde is mij niet bekend.

7 Zie no. 3479, p. 129 n. 10.

8 Wolf Dietrich Truchsess; de uitgevers van de Oxenst. Skrifter spellen de naam als Truchesius.

9 Henri de Bourbon, prins van Condé.

10 Diego Mexia Felipes de Guzmán, markies van Leganés.

11 Gaspard de Coligny, maarschalk van Châtillon.

12 Christina van Zweden.

Lutetiae, 1/11 Septembris 1638.

[p. 569]

Castilionaeus jam in rus suum jussus est discedere; imperium in utrumque exercitum Lafortius¹ accepit.

Astae obsidio parabatur, sed intermissa est per morbum Leganesii et ducum discordias.

1 Jacques Nompar de Caumont, maarschalk van La Force.