Briefwisseling van Hugo Grotius. Deel 9

3690. 1638 juli 26. Van P. de Groot¹.

Venerande parens,

Literas tuas datas XVI Julij² et cum iis fraternas VI³ ejusdem mensis recte accepi. Fratri certe pro mei memoria gratias debeo. Eidem respondeo, etiam majori scribo. Domini Vossii⁴ librum de Idololatria⁵ testudineo demum gradu ad vos perveniet, tum ob typographi negligentiam, tum ob ipsius auctoris quotidiana augmenta.

Difficile est reperire quae in typographo tuo requiris, neque tamen mihi non eadem fuit mens. Et haec quidem potissima est causa, cur Jansonium⁶ hunc, qui unus post Blavium⁷ Amstelodami excellit, elegerim. Lugduni enim tua credi sine evidentissimo periculo non posse etiam D. Salmasius⁸ testis erit. Anthologia⁹ tua praemissa etiam hoc efficient, ut ignoti adhuc nobis viri benevolentiam explorent.

Historia enim tua¹⁰ cuiquam credi non potest cujus non perspectissima nobis sit fidelitas. Et hoc hodie Lugduni tot insidiatoribus nostrique nominis obtrectatoribus involuti sperare est nefas.

Deo Optimo Maximo vota solvo pro tua felici adeo et humano captu superiori conservatione eundemque precor, venerande parens, ut diu te regno nostro communi christiani orbis bono nobisque omnibus incolumem conservet.

Tibi obedientissimus filius
P. Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr. Antw. op no. 3676.

2 No. 3676.

3 Het betreft hier een niet meer aanwezige brief van Diederik de Groot.

4 Gerardus Johannes Vossius.

5 Voor de titel van dit werk zie men no. 3414, p. 19 n. 2.

6 Johannes Janssonius, drukker en uitgever te Amsterdam.

7 Willem Jansz. Blaeu.

8 De Franse klassiek-filoloog Claude de Saumaise -Salmasius- hoogleraar te Leiden.

9 Voor deze Anthologia zie men dl. VIII, p. 641, n. 5.

10 Hvgonis Grotii Annales et historiae de rebvs Belgicis; zie VIII, p. 641 n. 6.

Hagae Comitis, XXVI Julij MDCXXXVIII.

Adres: Monsieur Monsieur l'Ambassadeur de Suède à Paris.

In dorso schreef Grotius: 26 Iulij 1638 P. de Groot.

En boven aan de brief: Rec. 5 Augusti.