Briefwisseling van Hugo Grotius. Deel 9

3661. 1638 juli 7. Van J.A. Salvius².

Illustrissime et Excellentissime Domine,

Legiones Sueticae tandem pleraeque in Pomeraniam appulsae sunt paucis tantum desideratis, quae contrario adhuc vento in mari agitantur.

Gallas³ acceptis ex archi-episcopatu Bremensi sexaginta thalerorum imperialium millibus copias ad Dömitz contrahit iuncturus, ut creditur, vires cum Saxone⁴ et Brandenburgico⁵ contra Banerium⁶.

Melander⁷ expiratis ad 1 diem Iulii induciis coniunctionem Kingio⁸

2 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 10. Orig. Eigenh. ondertek. Antw. op no. 3637?; beantw. d. no. 3700. Johan Adler Salvius was Zweeds gezant, residerende te Hamburg.

3 Matthias, graaf Gallas.

4 Johann Georg, keurvorst van Saksen.

5 Georg Wilhelm, keurvorst van Brandenburg.

6 De Zweedse veldmaarschalk Johan Gustavsson Banér.

7 Peter Melander, graaf van Holzapfel.

8 James (Jacob) King.

[p. 435]

promisit, sed incerto eventu, donec certum fuerit, utrum acta Parisiensia Gunterodii¹ a landgravia² fuerint ratihabita.

Interim recentes electoris Palatini³ copiae putantur in locum amissarum ad Antwerpiam legionum Batavicarum suffectum iri, dum nova in Belgio foederato parentur supplementa.

Hatzfeldius⁴ contra nos in Westphaliam destinatus vires parat e superiori Germania: sed, si fama continuat Winariensem⁵ caeso Goetzio⁶ Brisacum occupasse et is et Gallassius consilia forte mutabunt.

Rex Daniae⁷ exercitum ad Oldeslo in castris tenet circiter undecim millium militum. Nuper per legatos cum ducibus Holsatiae⁸, Luneburgensi⁹, Brunsvicensi¹⁰ et Bremensi¹¹ Stadae convenit de petendo, ut creditur, tam a regina nostra¹² quam ab imperatore¹³ vel subitam pacem in imperio, vel neutralitatem pro hoc circulo, vel saltem ne male accipiatur, si propiis sua armis contra quemcumque aggressorem tutati fuerint. Litterae vel legationes iam domi parantur legatis brevi denuo conventuris pro captorum consiliorum effectu

Imperii vice-cancellarius Curtius¹⁴ haeret hic ad Tollenspicher nolens ingredi imperiales urbes ob nimium, ut putat, hostilium legatorum apud oppidanos favorem

Hodie mihi per duces Lawenburgicos¹⁵ nunciavit caesarem tandem communi regnorum Sueciae Franciaeque tractatui, ut Lubecae et Coloniae simul fiat, consensisse atque ita de praeparatoriis fere omnibus, loco, plenipotentiis, salvis conductibus convenimus. Duo adhuc restant: primum, ut regnorum quoque communibus per Germaniam foederatis securitatem praestet; alterum, ut de die principalis tractatus conveniamus. Illud offert; sed sub manu suorum legatorum, non propria, quam nos postulamus. Hoc obtento de die convenire poterimus.

Legatus Angliae Rous¹⁶ et deputatus Ordinum foederati Belgii Cracowius¹⁷ advenere: ille cum potestate satis ampla, hic tantum ad audiendum et referendum. Ille ante quadriduum sine Gallo me visitavit et mutatis plenipotentiis primus

1 Hans Heinrich von Günterroth.

2 Amelia Elisabeth van Hanau-Münzenberg, landgravin van Hessen-Kassel.

3 Karl Ludwig van de Palts.

4 Melchior von Hatzfeldt und Gleichen (1593-1658), veldmaarschalk in het leger van Ferdinand III.

5 Bernhard, hertog van Saksen-Weimar.

6 Johann, graaf van Götz.

7 Christiaan IV.

8 Friedrich III, hertog van Sleeswijk-Holstein-Gottorf.

9 Georg, hertog van Braunschweig-Lüneburg.

10 August, hertog van Braunschweig-Lüneburg-Wolfenbüttel (1579-1666).

11 Friedrich III, aartsbisschop van Bremen.

12 Christina van Zweden.

13 Ferdinand III.

14 Ferdinand Siegmund Kurz.

15 Voor hun namen zie men no. 3479, p. 128 n. 11.

16 Thomas Roe.

17 Karel van Cracou.

[p. 436]

propositionem in meis aedibus fecit, ut sensa S.R. Mtis Sueciae super articulis foederis Gallo-Britannici aperirem. Delibero igitur iam de responso.

Polonus¹ vectigal Dantiscanum mordicus tueri constituit impetrato comitiali regni sui consensu: De modo tantum deliberatur.

Atque haec sunt, quae pro tempore ex his oris nuncianda habui. Quibus Excell: T. optime valere et favere cupio,

Sui observantissmo
J.A. Salvio mp.

1 Wladislas VII (IV) van Polen.

Hamburgi, d. 27 Iunij st. loci Ao 1638.

S. Regina nostra omni ad ostium Varni vectigali renunciavit: ne ansa Dano detur res publicas turbandi².

2 Vgl. o.a. Cicero Lael. 59: quo plures det tamquam ansas ad reprehendum; Ammianus Marcellinus XXVIII. 1. 35: offerre alicvi ansam lucrandi.

Boven aan de brief schreef Grotius: Rec. 29 Iuly.