Briefwisseling van Hugo Grotius. Deel 9

[p. 341]

3608. 1638 mei 31. Van J.A. Salvius¹.

Illustrissime et Excellentissime Domine,

Banerius² adhuc copias e Suecia exspectat, quarum tamen bonam partem appulisse fama est. Parat interim castra non procul Anclamio nihil magni aggressurus, ut videtur, ante omnium copiarum adventum.

Gallassius³ veteribus stativis insistit, quicquid molendinorum in hoc circulo reperitur occupans, ut maxima farinae vi, locis munitis et propinquantibus castris provideat. Intentus interim est in Banerium, principem Auriacum⁴ et Götzium⁵ Westphalici hostis, post captam Meppam, parum curiosus. Sive n. Banerius in haereditarias Austriacorum provincias sive in Gallassium seu in medios electores contendat, Gallassio consilia viamque Suae quoque expeditionis daturus creditur Westphalia et cardinali-infante⁶ propriae defensioni relictis.

Sin princeps Auriacus vel aliquid in praejudicium Coloniae tentaverit vel una cum Gallis dicto infanti acciderit gravior, forte Gallas commisso solis electoribus in Banerium bello, accurret in Hispanicorum auxilia. Res passim in motu sunt, quorsum casurae sequenti mense audiemus undique.

Rex Daniae⁷ adhuc legit militem, castra parat ad Oldeslo sex naves bellicas Warnemundam missas iuxta totidem nostrates locavit prohibituras, ne a Danis vectigal exigatur. Earum cum nostris concordiam discordiamve brevi intelligemus. Nuper Ser.^m reginam⁸ Sueciae sollicitavit, ut legatos mitteret Lubecam ad diem 21/31 Maij facturos cum Caesare⁹ pacem. Respondit Ser.^ma regina, ne praeparatoria quidem nisi cum Gallia conjunctim tractari posse. Rex tamen Lubecam mittit admiralium¹⁰ et cancellarium regni¹¹, sive ut eo citius caeteros alliciat sive - quod Lubecae spargitur -, ut haec eius cum caesareanis promptitudo invidiam neglectae pacis nobis imponat.

Quid S.R.M.^tas Sueciae nuper ducibus Lawenburgicis¹² pacis parariis, quid ego eorum consiliario¹³ ad comitis Curtii¹⁴ postulata de tractatu respondi, ex inclusis¹⁵ apparet. His etiamnum consiliis nos insistimus. Duae difficultates

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 10 Orig. Eigenh. Ondertek. Beantw. d. no. 3637. Johan Adler Salvius was Zweeds gezant in Hamburg.

2 De Zweedse veldmaarschalk Johan Gustavsson Banér.

3 Matthias, graaf Gallas.

4 Frederik Hendrik.

5 Johann, graaf van Götz, keizerlijk bevelhebber.

6 De kardinaal-infant don Fernando.

7 Christiaan IV.

8 Christina van Zweden.

9 Ferdinand III.

10 Albret Skeel (1572-1639).

11 Christian Thomesen Sehested (1590-1657).

12 Voor hun namen zie men no. 3479, p. 128 n. 11.

13 Daniel Miethof-Mithobius.

14 Ferdinand Siegmund Kurz.

15 Salvius aan Miethof, dd. 24 mei 1638 (Hs. Stockholm RA: Brev till Legaten Hugo Grotius 1635-1638).

[p. 342]

hactenus non parum remoratae sunt dictos tractatus, quod rex Galliae¹ Caesari titulum, hic eius foederatis securitatem eo veniendi negarit. Utraque iam sublata multi credunt negocium pacis in propinquo esse. Quo faxit solus auctor pacis, Deus. Cujus protectioni E.T. animitus commendo.

Excell. T.^ae observantissimus
J.A. Salvius m.p.

1 Lodewijk XIII.

Hamburgi, die 21/31 Maij A.^o 1638.

Boven aan de brief schreef Grotius: Rec. 16 Iunij.