Briefwisseling van Hugo Grotius. Deel 9

3569. 1638 mei 8aant.. Van P. de Groot³.

Venerande parens,

Litteras tuas datas XXVIII Maij⁴ recte accepi; pro iis et pro tot tuis curis gratias ago maximas neque desinam ullis parcere studiis, quibus aliquando tot immensis benefactis animum non ingratum praestare queam.

Bene adhuc se habere ducis Vinariensis⁵ exercitum gaudeo, tum quod ab ejus fortuna et Suedica dependeat salus et amborum fratrum⁶, quorum quae jam una mihi restat gratissima est memoria, spes paene omnis promotus. Quod et fratri minori scribis oblatos fuisse a duce honores militares lubens cum omnibus amicis intellexi; neque minus dolui ob majoris fratris fortunam Basiliae adhuc morantis, cui procul dubio multum temporis et quidem pretiosissimi inter expectandum peribit.

Literas tuas ad D. Vossium⁷, Salmasium⁸ aliosque recte curabimus mitti.

3 Hs. Den Haag, ARA. Eerste Afd. coll. Hugo de Gr. Aanw. 1911 XXIII no. 26. Eigenh. oorspr.

4 Bedoeld zal zijn: 28 april, tenzij Pieter zich in de datering vergist heeft en de brief op 8 juni is geschreven. Bij een vlotte expeditie - zie de datum van ontvangst - is dit wel mogelijk.

5 Bernhard, hertog van Saksen-Weimar.

6 Diederik bevond zich in het leger van Bernhard van Saksen-Weimar en Cornelis was daarheen op weg.

7 Gerardus Johannes Vossius, hoogleraar te Amsterdam.aant.

8 Claude de Saumaise, hoogleraar te Leiden.aant.

[p. 276]

Ego eas omnes mihi descripsi, quod non parvi eas, et praesertim quae ad D. Salmasium ibant, momenti crederem. Precor, ut quascunque in posterum similis argumenti ad haec loca transmiseris, eas esse apertas velis.

Chartas meas cum Anthologiis¹ et Historia² etiam tua jam accepi, quam uni D. Vossio, ut mandasti, ostendam. Chartulam unicam desidero illam nempe inscriptam nominibus I.C.^torum, quibus me uti cupiebas maxime. Precor ut, siquid eorum tibi occurrat, ejus esse me participem non deneges.

Princeps Arausionensis³ cum omnibus suis copiis adhuc Lithoiae moratur neque brevi inde profecturus creditur, praesertim cum jam Gallicum retro cessisse exercitum hic fama est.

Deum precor, venerande parens, ut tibi, matri, sorori⁴, omnia ex voto procedant.

Tibi obedientissimus filius,
P. Grotius.

1 Zie voor deze Anthologie no. 3414, p. 18 n. 1.

2 Grotius' Historia Gotthorvm, Vandalorvm, & Langobardorvm; zie no. 3587, p. 305 n 12.aant.

3 Frederik Hendrik.

4 Cornelia.

Hagae Comitis, VIII Maij MDCXXXVIII.

Boven aan de brief schreef Grotius: Rec. 16 Iunij.