Briefwisseling van Hugo Grotius. Deel 9

3516. 1638 april 4. Aan G. Müller³.

Nobilissime et amplissime domine,

Filiorum meorum natu maximus⁴, quem in Suedia agentem amicitia tua plurimi nobis facta faciendaque semper dignatus es, Musis Martem praetulit neque paternum duxi tentato diu ejus animo reluctari gnarus patere et hoc ad gloriam iter neque vero usum omnem in bello perdere impensa literis tempora. Cum inter nostri temporis imperatores multum excellat dux Vinariensis⁵ virtute et rerum experimentis, nullus fuit, cujus sub signis eum militare mallem. Quapropter eum Smitsbergii⁶ auxiliorum partem istuc ductantis numeris allegendum dedi. Spero in eas partes perventurum, priusquam tu discesseris, ut tuae prudentiae consiliis, quae ne ei invideas precor, regi possit. Ego si id mihi largiris, magni hoc muneris loco ducam optaboque vicem reponere.

Novi nihil ferme est. Schmalchius⁷ in itinere est, qui nobis nuntios et chartas plurimas adfert.

Gotzium⁸ ab hoste tentatum infeliciter scribit ad me D. Camerarius⁹.

Elector palatinus¹⁰ scribit militem suo matris¹¹ et paucorum amicorum consilio. Anglicam pecuniam exspectat et Angliae exemplum Gallia.

Nostri Suecones huic regno jam bene alligati nodos quaerunt, quibus et illud alterum adstringant.

Ducis Vinariensis, quos propior aspicis, egregii successus, Gallorum exercitus, ad Navarrae fines unus, duo circa Belgicam sene Lafortio¹² et Castilionaeo¹³ ducibus, principis Arausionensis¹⁴ jam se commovens Hungarorum et transrhena-

3 Gedrukt Epist., p. 415. Georg Müller was Zweedse hofraad en secretaris.

4 Cornelis de Groot.

5 Bernhard, hertog van Saksen-Weimar.

6 Ludwig von Schmidberg.

7 Peter Abel Schmalz.

8 Johann, graaf van Götz, keizerlijk bevelhebber.

9 Ludwig Camerarius, Zweeds gezant in Den Haag.

10 Karl Ludwig van de Palts.

11 Elisabeth Stuart, koningin van Bohemen, weduwe van Frederik V van de Palts, de Winterkoning.

12 Jacques Nompar de Caumont, maarschalk van La Force.

13 Gaspard de Coligny, maarschalk van Châtillon.

14 Frederik Hendrik.

[p. 189]

norum irae in imperatorem¹, in regem Poloniae² Cosaccorum, sidera ipsa, si quid astrologis credendum est, huic imperatori infelicia magna hoc anno et deinceps sperare nos jubent.

Sed ista suo nutu temperat summus Arbiter, cujus bonitati et negotia publica et tua, nobilissime et amplissime domine, quantum possum commendo.

Tuae Nobilitati Amplissimae addictissimus
H. Grotius.

1 Ferdinand III.

2 Wladislas VII (IV).

4 Aprilis 1638.