Briefwisseling van Hugo Grotius. Deel 9

3490. 1638 maart 13. Aan Willem de Groot¹.

Recentes ad te, mi frater, literas meas² pervenisse gaudeo. Saepe idem ut fiat, opto.

De adsessione in urbe patria, quo magis cogito, eo te judico feliciorem, quod causa honestissima, id est, de veteribus melioribusque sententiis nihil decedendo ob utilitates, te inde expediveris. Non potest quisquam hoc tempore eum tutari locum, ut fidei suae consulat et securitati. Hanc vendere non est prudentes, illam vendere improborum.

Kinschotius³, homo externus, an Hollandiae magis sit profuturus quam Arsenius⁴ aliique in Hollandos adoptati, videbimus.

Quae peccarunt amnes corrigi posse spero; Quae ministri et inquilini, haud aeque.

Libellum⁵ super scriptis Amirautii⁶, Testardi⁷, Molinaei⁸ videre percupio. Mittam, ubi potero, postremum Mileterii⁹, ubi in praedestinationis negotio se, quantum potest, aptat Charentonianis, nullo cum fructu.

Parentes¹⁰ apud te bene exceptos, patrem se belle habere, matrem supra quam aetatis incommoda pati posse putantur, gaudeo Deoque gratias ago.

In Poloniam mitti et opus est et quidem celerato opus. Fervebit conventus Ordinum et in (?) vectigalium¹¹ causa et ex suspicionibus, quas rex¹² Austriacis usus consiliis et protestantium et Graecae religionis hominum in se concitavit.

Uxor mea, puto, iter in aliud differet tempus. Nam et maris ob propriam corporis constitutionem est impatiens et in limite vagatur miles cum magno iter facientium ac virginum maxime et feminarum periculo. Deinde vero intelligimus legati Estampii¹³ uxorem¹⁴ nequiisse impetrare tuti itineris sponsores literas, quod grave est praejudicium in nostro desiderio. Sumus enim ii, qui non amemus petere quae metuamus, ut obtineri possint. Tales Cornettios Grotiosque semper fuisse arbitror. Alioqui non retinuissemus, puto, inter tot adversa tam erectos

1 Gedrukt Epist., p. 876. Gecit. in vert. Brandt-Cattenb., Leven II, p. 169. Antw. op no. 3477.

2 No. 3477.

3 Mr. Nicolaes van Kinschot. De uitgave der Epist. geeft ‘Linschotus’.

4 François van Aersen, heer van Sommelsdijk.

5 Over dit geschrift zie men no. 3477, p. 126 n. 8.

6 Moïse Amyraut.

7 Paul Testard.

8 Pierre Du Moulin.

9 Théophile Brachet de la Milletière.

10 Jan de Groot en Aeltgen Borre van Overschie.

11 De uitgave der Epist. geeft ‘10 vectigatium’. Bedoeld zullen worden de moeilijkheden rond de Poolse tol te Dantzig.

12 Wladislas VII (IV) van Polen.

13 Jean d'Estampes, Frans gezant in Den Haag.

14 Marie Gruel.

[p. 146]

spiritus. Sed neque uxor mea indigna est, quae in domum nostram sit deducta. μάλα γάϱ ἐστιν εὐγενής.

Vale cum tuis, id est, nostris.

Tibi devinctissimus frater
H. Grotius.

13 Martii 1638.

De bono scriba, qui bene pingat literas Italicas, latine intelligat, Graeca saltem elementa norit, et te et D. Reigersbergium¹ rogo, ut cogitetis, eo magis, quod minorem filium² remitto de majore³ brevi visurus, quid ipsius tum ferat animus, tum utilitas exigat.

1 Nicolaes van Reigersberch.

2 Diederik de Groot.

3 Cornelis de Groot.