Briefwisseling van Hugo Grotius. Deel 9

3471. 1638 februari 27. Aan S. Bielke².

Illustrissime Domine,

Cessatur his in partibus praeterquam ad Rhenum, ubi Hohentwilae praefectus³ derelicto duce Eberhardo⁴ in fidem Galliae se commendavit. Post Lauffenburgum, Seggingam, Waldshutum, etiam Henninga duci Vinariensi⁵ cessit. Cella machinis verberatur. Rhynfeldii ad portas perducta oppugnatio. Brisaci praefectus⁶ quascunque potest e Suevia aliisque locis copias, ut obsessis subveniat, colligit.

Imperator⁷ literis Helvetios excitat, ut se duci opponant: Helvetii verbis apud ducem quam armis agere malunt, diversi inter se religionum dissidio et metuentes, ne fedus ipsis suum rex Galliae⁸ renuntiat, quod legatus Gallicus⁹ serio minatur.

Pontifex¹⁰ Romae fabricat inducias. Angli cum Gallis de maritimis quibusdam praedis transegere.

Princeps Condaeus¹¹ it in Aquitaniam, cui novis cum copiis imminet Hispanus¹² Navarra et comitatu Russinonensi pridem captis non contentus. Batavi sub ver moturos se Gallis pro pecunia promisere.

Dux Longavillanus¹³ a Sedano rediit bellum comitatui Burgundiae parans inferre.

Quid Angli facturi sint forte Hamburgi apparebit. Caeterum dicunter in Hispaniam rursus misisse legatum¹⁴.

2 Gedrukt Epist., p. 406. Sten Bielke was Zweeds gezant in Duitsland.

3 Konrad Widerholdt.

4 Eberhard III, hertog van Würtemberg.

5 Bernhard, hertog van Saksen-Weimar.

6 Hans Heinrich, baron van Reinach.

7 Ferdinand III.

8 Lodewijk XIII.

9 Blaise Méliand.

10 Urbanus VIII.

11 Henri de Bourbon, prins van Condé.

12 Philips IV.

13 Henri d'Orléans, hertog van Longueville.

14 Arthur Hopton; zie no. 3470, p. 110 n. 10.

[p. 113]

Astrologi reginae¹ partum hunc ac deinde alterum promittunt virilis utrumque stirpis.

Pax in Gallia potente ac pleno quamvis virorum regno mirum quam exspectatur a summis, mediis, infimis.

Deus, Illustrissime Domine, eam nobis det bonam tuaeque Illustrissimae domui favens semper adsit.

Tuae Illustrissimae Excellentiae addictissimus
H. Grotius.

1 Anna van Oostenrijk, koningin van Frankrijk.

Lutetiae, 17/27 Februarii 1638.