Briefwisseling van Hugo Grotius. Deel 9

3453. 1638 februari 13. Aan A. Oxenstierna¹⁴.

Excellentissime atque Illustrissime Domine,

Mitto rerum proxima aestate ad Leucatam gestarum narrationem¹⁵ accuratam satis, nisi quod editioni non accessit tabula, quam tamen frons promittit.

14 Gedrukt Epist., p. 400; Oxenst. Skrifter 2 afd. II, p. 443.

15 La Prise et la Bataille de Levcate. Auec le Plan de la place assiëgée, du camp des ennemis, & du combat. A Paris, Chez Tovssaint Qvinet, au Palais, dans la petite galle, sous la montée de la Cour des Aydes. M.DCXXXVIII.

[p. 84]

Virtutine an fortunae Gallorum plus in eo successu debeatur, haud facile dixerim. Pridem certe nihil evenit admirabilius, si praelium nostrum ad Witstockium¹ excipiatur.

Legi totum rituale novae militiae Polonicae². Non obscure rex³ Sedis romanae honorem regni sibi crediti saluti ac commodis anteponit et, ut rem eloquar, seque et florem nobilitatis addicit auctoratque pontifici⁴, ut omittam nunc multa superstitionis damnata apud plurimos etiam romanae communionis.

Ab Hispania apparet proficisci haec consilia, ubi illa de concepta Virgine sine labe originaria pugnans cum omni antiquitate sententia regnat ac triumphat. Itaque cognoscere desidero, ea res in Poloniae conventu⁵ quomodo sit abitura.

Discedit hinc Betzius⁶ ad ducem Vinariensem⁷, cui numerantur pro extra-ordinariis impendiis CCCC L millia florenorum mittiturque ei auxiliator Guebrianus⁸, castrorum marescallus, cum DCCC equitibus, peditibus prope ter mille. Aiunt repertum alium Rheni transitum⁹.

Venetorum, qui novus venit, legatus¹⁰ de honore, qui mihi habitus antehac, in verbis aliisque detrahit nonnihil et aliquid quanquam latentius coeperat tale moliri decessor ejus. Haec ab aula romana venire non dubito, ut et illud de Serenissimae nude absque additamento Potentissimae elogio reginae dato. Quod monere eo magis cogor, quod collatis indiciis video destinatis consiliis haec agi. Vertit plane se ista civitas ad Austriacae domus et propter eam etiam Poloni amicitiam.

Thuanus noster¹¹ in consilium status a rege¹² adscriptus est.

Literae a Bajona ac vicinis locis nuntiantes terra pugnatum inter Castellanos et Portugallenses captasque ab his illorum machinas multas, descivisse ab obsequio minores civitates, etiam rege sibi facto e domo Aveiros¹³, quia Bragentius dux¹⁴ oblatum sceptrum non recusaverat tantum, sed et Madritium se transtulerat vitandis suspicionibus fidem paullo ampliorem apud hujus urbis plebem inveniunt quam apud peritos supra verum augeri ista credentes.

Reginam¹⁵ praegnantem esse spes manet.

Palatini duo¹⁶ regem videre etiamnum abstinent. Majori eorum Mauritio non

1 De slag bij Wittstock was geleverd op 4 oktober 1636.

2 Over deze ridderorde zie VIII no. 3369, p. 763 n. 8.

3 Wladislas VII (IV) van Polen.

4 Urbanus VIII.

5 De Poolse rijksdag werd gehouden van 10 maart tot 1 mei.

6 Friedrich Betz.

7 Bernhard, hertog van Saksen-Weimar.

8 Jean-Baptiste de Budes, maarschalk van Guébriant.

9 De woorden ‘Rheni transitum’ staan in de tekst in cijfer: 4.14.72.24.37.107.80.35.21.71.68.81.61.217.246.273.

10 Anzolo Correr; hij was op 23 januari tesamen met zijn voorganger Alviae Contarini di Nicolo door de koning in audiëntie ontvangen.

11 François Auguste de Thou; zie over hem VII, p. 102 n. 1.

12 Lodewijk XIII van Frankrijk.

13 Zie p. 79 n. 5.

14 De latere koning João IV, 8ste hertog van Braganza.

15 Anna van Oostenrijk, koningin van Frankrijk.

16 Moritz en Eduard van de Palts.

[p. 85]

male cederet haec peregrinatio, si uxorem nancisci posset ducis Rohanii filiam¹ cum spe opulentissimae haereditatis.

Milites quidam capitali supplicio interemti sunt, qui liberare instituerant eos omnes, quos Bastiliae detinet carcer².

Jam nunc ad nos literae veniunt, e quibus certi reddimur ducem Vinariensem die 29 Ianuarii cepisse oppida Austriacae ditionis Silvestria quae vocantur: Seggingam transrhenum, Lauffenburgum, in quo est pons Rheni, et Waldershutum caesis etiam turmis hostium duabus, quae ad Lauffenburgo ferendas suppetias sero adveneratn 27 Januarii, ut hic numeratur, die. Vetus Hesdinum, reliquiae magis oppidi quam oppidum, a Gallis captum incensumque est.

Deum precor, Excellentissime et Illustrissime Domine, cuncta ut Tuae Sublimitati prospera largiatur.

Tuae Sublimitatis cultor devotissimus
H. Grotius.

1 Marguerite de Rohan.

2 Niet geïdentificeerd.

3/13 Febr. 1638.

Post ea, quae dixi, oppida capta obsidere Rinfeldum dux Vinariensis coeperat idque jam captum putatur.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.