Briefwisseling van Hugo Grotius. Deel 9

[p. 80]

3451. 1638 februari 13. Aan L. Camerarius¹.

Illustrissime Domine,

Laeta sunt, quae et ex tuis et ex D. Salvii² literis³ de Anclamo, de Usedomo et de Wolgasti urbe intelligo speroque pro hoc anni initio caetera deinceps fore semelque a mari repulsum hostem cessim iturum magis ac magis.

Schmalcius⁴, ut video, IX/XIX Ianuarii nondum Hamburgi erat. Sed de consummatione pactorum Wismariensium⁵ vix dubitari video et de Anglis sperari meliuscula. Quod si res ipsa id probat, puto in Gallis moram non fore, quominus resurgat domus Palatina.

Rex Daniae⁶ ob communis religionis curam videtur mihi ad pacificationis officium fore non inidoneus. Ut autem pax fiat in commune potius quam seorsim, etiamsi bona fides non exigeret, prudentiae regalis⁷ convenit. Idem ille rex Daniae, si commoveri poterit ad prohibendas Holsatici Bremensisque agri vexationes, tanto eo utemur faventiore.

Ex Borussis intelligo Dantiscanae civitati ad defensandam immunitatem animos non defore, modo certi sint de societate eorum, quorum in eo negotio res vertitur, Dani maxime, Batavorum et Borussorum.

Polonicae, cujus meministi⁸, militiae novae instituta ac cerimonias vidi neque miror, si cordatis non placet commentum, quo et regis⁹ potestas in libertatis fraudem increscit et in ipsum regem regnumque potestas pontificis¹⁰. Tum vero multa admiscentur ita superstitiosa, ut non possint etiam romanensium aequioribus probari. Propter haec arrectis animis exspectare debemus, quid Polonicus conventus¹¹ parturiat.

Periculum, in quo fuit D. Vosbergius¹², ostendit hostibus mari neque vires adhuc neque audaciam deesse.

Literae a Bajona aliisque locis, quam certae haud dixero, credi volunt praelium Portugallensium non ut ante maritimum, sed terrestre felix in Castellanos captis horum machinis et lecto partium duce e domo Aveiros¹³, ideo quod Brigantiae dux¹⁴ turbarum contagium fugiens Madritium se contulerat.

1 Copie Uppsala, UB., cod. 388a, ep. 115. Gedrukt Epist., p. 401. Ludwig Camerarius was Zweeds gezant in Den Haag.

2 Johan Adler Salvius, Zweeds gezant residerende te Hamburg.

3 Zie no. 3426. De brieven van Camerarius aan Grotius ontbreken.

4 Peter Abel Schmalz, secretaris ter Zweedse kanselarij.

5 Het verdrag van Wismar, gesloten op 30 maart 1636.

6 Christiaan IV.

7 De uitgave der Epist. geeft de lezing ‘regulis’.

8 De copie te Uppsala heeft hier een onbegrijpelijk ‘ministri’.

9 Wladislas VII (IV).

10 Urbanus VIII.

11 De Poolse rijksdag gehouden van 10 maart tot 1 mei.

12 Caspar van Vosbergen.

13 Zie no. 3450, p. 79 n. 5, De copie te Uppsala geeft Avesios.

14 De latere koning João IV, 8ste hertog van Braganza.

[p. 81]

In Hagae¹ oratoris morte, si accidit, ob eximiam quam longa tractatione erat consecutus rerum peritiam, damnum fecit ingens Batava respublica; in Honartio² autem etiam omnes bonae literae, quae in foro agentibus plerisque immerito sordent.

Manet hic spes et laetitia de reginae³ utero. Milites aliquot supplicio affecti, qui Bastiliam captivis⁴ exonerare voluerant.

Ad ducem Vinariensem⁵ magni aliquid molientem mittuntur CCCCL millia francorum, equites DCCC, pedites ter mille duce Guebriano⁶.

Iam nunc auspicata nobis nuntiantur, XXIX Januarii partim nocte partim die capta a duce Vinariensi oppida Silvestria ditionis Austriacae, Seggingam trans Rhenum, Lauffenburgum, in quo pons Rheni, et Waldershautam; caesas hostium turmas duas, quae Lauffenburgo suppetias sero ferebant. Optandam, ut hujus transitus custodiendi et ad bonum Germaniae convertendi major quam alterius antehac habeatur ratio. Rijnfeldium jam captum spero; obsessum a Februarij die secundo.

Rumor hic est, spero vanus, Hassi viduam⁷ cum imperatore⁸ agere, ut ipsa illi suas copias transdet, dummodo nihil ultra mali ipsa liberique⁹ a Darmstadiensi¹⁰, malo consanguineo, patiantur.

Det tibi Deus, Illustrissime Domine, sexagesimum sextum aetatis annum et quos bonitati ipsius addere placebit, feliciter decurrere.

Escellentiae Tuae observantissimo culto devinctus
H. Grotius.

1 Cornelis Haga, Staats vertegenwoordiger te Constantinopel.

2 Rochus van den Honaert, gestorven op 30 januari 1638.

3 Anna van Oostenrijk, koningin van Frankrijk.

4 Niet geïdentificeerd.

5 Bernhard, hertog van Saksen-Weimar.

6 Jean-Baptiste Budes, graaf, later maarschalk van Guébriant.

7 Amelia Elisabeth van Hanau-Münzenberg, landgravin van Hessen-Kassel.

8 Ferdinand III.

9 Voor hun namen zie men no. 3439, p. 65 n. 11.

10 Georg II, landgraaf van Hessen-Darmstadt.

XIII Februarii, ut hic scribimus, anni MDCXXXVIII.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: R. Hagae 11/21 Februarij anno 1638.