Briefwisseling van Hugo Grotius. Deel 9

3435. 1638 januari 30. Aan L. Camerarius¹.

Illustrissime Domine,

Quae ab Hamburgo ad Gallos Anglosque perscribuntur, liberant eos metu Suedicae pacis, cujus occasionem per tot adversa corruptam putant. Interim de belli paratibus multi hic sermones.

Est in aula princeps Condaeus² apud reginam³ tanquam praegnantem gratulationis functus officio. Is ad bellum in Navarrae partibus gerendum mitti dicitur suspecto sane Espernonio⁴, quasi non satis diligenter, quae ibi agi poterant, curasset.

Duci Bernhardo⁵ promittuntur VI M peditum, equitum duo ad bellum in Germania administrandum, multumque laboratur, ut pertrahatur in partes Gallicas etiam Argentoratum, ejectis pontificiis invisa jam imperatori⁶ civitas. Et Angli⁷ clam dempto regis sui⁸ nomine id agunt, ut Palatino electori⁹ detur pecunia a rege¹⁰, quae solebat landgravio¹¹ dari, ut inde et amicorum liberalitate adjutus militem scribat, quem jungat cum Hassiacis communi in utrosque imperio functurus. Caeterum serione haec agantur an ut didito hoc rumore plus quam antehac a caesarianis impetrent Angli, video dubitari.

1 Copie Uppsala, UB., cod. 388a, ep. 113. Gedrukt Epist., p. 398. Ludwig Camerarius was Zweeds gezant in Den Haag.

2 Henri de Bourbon, prins van Condé.

3 Anna van Oostenrijk, koningin van Frankrijk.

4 Jean Louis de Nogaret d'Epernon de La Valette.

5 Bernhard, hertog van Saksen-Weimar.

6 Ferdinand III.

7 John Scudamore en Robert Sidney, graaf van Leicester, resp. ordinarius en extra-ordinarius Engels gezant te Parijs.

8 Karel I van Engeland.

9 Karl Ludwig van de Palts.

10 Lodewijk XIII van Frankrijk.

11 Wilhelm van Hessen-Kassel.

[p. 59]

Sicut in Polonia juramentum dictum Immaculatae Virgini, ita hic congregatio propagandae fidei non protestantibus tantum sed et aliis metum injicit, ne lateant ad inquisitionem semina. Id negotium nunc in parlamento cum cura tractatur.

Venit ad me aliquoties jam Rodius¹, quem tanti facio, ut eum promptissime sim aliis, si ita res ferat, commendaturus. Dixi ei me, quicquid meae est potestatis, collaturum ad implenda horum principum² totiusque domus Palatinae desideria. Principes ipsos videbo, ubi regem salutaverint.

Deus, Illustrissime Domine, te ac tuos servet incolumes.

Excellentiae Tuae addictissimus ejusque observantissimus
H. Grotius.

1 Johann Rodt.

2 Moritz en Eduard van de Palts.

Lutetiae, XXX Ianuarii nov. Calend. MDCXXXVIII.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: R. Hagae Ao. 1638. 8 Febr. st. n.