Briefwisseling van Hugo Grotius. Deel 9

3415. 1638 januari 9. Aan L. Camerarius⁶.

Illustrissime Domine,

Agitatur iterum haec aula clanculariis molitionibus, quarum pars magna eo tendit, ut regis⁷ animus religione quadam a bello hoc continuando avertatur.

6 Copie Uppsala, UB., cod. 388a, ep. 110. Gedrukt Epist., p. 394. Ludwig Camerarius was Zweeds gezant in Den Haag.

7 Lodewijk XIII van Frankrijk.

[p. 23]

Cardinalis Riceliacus aeger corpore, regis praeterea conspecta infirmitate, quae se per hos dies ad deliquium usque prodidit, servaturus ne sit, quam servavit hactenus, consiliorum constantiam an urgenti nimis oneri cessurus tandem, varia est conjectatio.

Dux Bernhardus¹ pecunia Gallica instructus habere creditur III milia et quingentos equites, pedites ad bis mille et quingentos. Helvetiis responsum dedit placidum arces se quasdam - quae nimirum oneri magis ipsi quam usui erant - Soloturiensibus, si velint, traditurum. Decessurum de caeteris ad episcopatum Basiliensem pertinentibus, cum primum id belli ratio permittest.

Dux Lotharingus² a Waertio³, qui in Suevia se tenet, accepit cohores aliquas effecitque, ne Salinas obsidere dux Longavillanus⁴ posset.

Argentoratum magis magisque tentatur inopia commeatus et commerciorum.

Hanoviam dicit Ramsaeus⁵ non traditurum se, nisi ducis Vinariensis consensu, qui nunc solus dissoluti federis nomen sustinet. Caeterae spes utrinque bellantium in ver differuntur.

Leganesius⁶ Ticini haeret. Rhaetos ad responsa Hispaniae rejicit; militem accipit a Monaco et Finali, non ut ante per Genuatium terras, sed longo ambitu adjuvante Ethrusco⁷. Ejusdem Ethrusci ducis cum ecclesiasticis suae ditionis super farinario vectigali manet controversia. Sabaudus autem cardinalis⁸ Genuae occasiones et amicorum, quos ambit, responsa exspectat.

Marsillacus⁹ Bastiliae colonus non diu fuit libertatemque amicorum precibus recepit.

Misere Galli ad principem Arausionensem¹⁰, prout responderit, liberalitatem suam adducturi aut laxaturi. Franco sive Burgundiae comitatui otium a bello daturi non videntur, cum dura postulent, inter quae, ut quae ducatus Burgundiae damna pertulit, a comitatensibus sarciantur.

Erfurdum audimus iterum ab hostibus circumveniri et diligenter servari Rheni ripas ejectis jam inde ab omni parte Gallis. Scribitur et damnum passa Austria eluvione Danubii. De Portugallia refrixere rumores.

Opto tibi, Illustrissime Domine, tuisque omnia prosperrima.

Lutetiae, 9 Ianuarii novi calend. MDCXXXVIII.

Excellentiae Tuae observantissimus omni studio
H. Grotius.

1 Bernhard, hertog van Saksen-Weimar.

2 Karel IV van Lotharingen.

3 Johan van Werth, ruiteroverste in dienst van keizer Ferdinand III.

4 Henri d'Orleans, hertog van Longueville.

5 James (Jacob) Ramsay, gouverneur van Hanau.

6 Diego Mexia Felipes de Guzmán, markies van Leganés.

7 Ferdinando II de Medici, groothertog van Toscane.

8 Maurizio van Savoye.

9 François VI, hertog van La Rochefoucauld, prins van Marsillac.

10 Frederik Hendrik.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: R. 7/17 Janu. Ao. 1638.