Briefwisseling van Hugo Grotius. Deel 9

3404. 1638 januari 2. Aan L. CAMERARIUS⁹.

Illustrissime Domine,

Doleo non esse quam vellem bonam valetudinem tuam eamque tibi meliorem etiam communis rei causa precor.

Vinariensis¹⁰ haeret ubi antehac; necdum quicquam profecisse adversus eum auditur dux Lotharingus¹¹.

Illud de vectigali ad Dantiscum negotium video displicere multis, sed nullos agere calidius quam Danum¹² et Batavos, qui forte in societatem suorum cona-

9 Copie Uppsala, UB., cod. 388a, ep. 109; gedrukt Epist., p. 391. Ludwig Camerarius was Zweeds gezant in Den Haag.

10 Bernhard, hertog van Saksen-Weimar.

11 Karel IV, hertog van Lotharingen.

12 Christiaan IV van Denemarken.

[p. 4]

tuum et alios trahent. Suedis ea controversia, dum durat et regem¹ cum Dantisco Prussiaque omni, multis etiam Polonorum committit, in fructu esse poterit. Caeterum si regi contingat secura possessio aut, de qua nunc fama loquitur, redemptio ejus sub magnis pecuniis, erit, quod metuatur ista opulentia.

De Pomeraniae rebus eadem, quae memoras, et Wolgastum oppidum, non et arcem nostris periisse, tristis intelligo. Curtianum iter² si eo, quo dicitur, pertinet, poterit nostras res facere meliores, si non offerendo quae acceptari possint at accendendo alios, qui circa nos frigent.

Smalzius³ ad me Holmia scripsit accinctus, ut jam mox iret Hamburgum, ubi nunc eum fore confido.

Gallos, sicut Batavorum desideriis se aptarunt, ut eorum retinerent societatem sibi prope necessariam, ita ut Suedos sibi devinciant, multa, quae abnuerunt, concessuros puto.

Hassiacae res et auxilio et celere indigent. Regimen penes feminam⁴, nomen penes puerum⁵ aversa a bello provincialium studia, vires attritae, nimium malorum tam malo nostro tempore.

Cum Anglis non video qui possit conveniri, nisi formulam quam fecere foederis⁶ propius ad ea, quae ipsis a Suedis proposita fuere, accommodent. Video hic incusari Anglos deductae illius classis Hispanae: si falso, ut sentit regina Bohemiae⁷, aliquid decedet⁸ de dolore Batavorum, gravi satis sic quoque malo, ut nulla veterum amicorum culpa accedat.

De Hanovia metuam, donec certi quid accepero.

Turcarum pacis cum Persa⁹ spem evanescere dixit mihi Venetus legatus¹⁰ Constantinopolitanis edoctus literis. Quod si et illud verum est, quod addebat, incalescere Turcarum cum Cosaccis Muschoviticae tutelae certamina, securus ab ea parte Ferdinandus¹¹ minus minusque se praebebit tractabilem.

Literas, quas ad Heussium¹² esse putaveramus, aegre tandem fallente nos diu literarum ductu reperimus eas esse, quas Crusio¹³ mitti indicaveras; itaque ei sunt traditae.

Datus est in carcerem Bastiliae princeps Marsillacus¹⁴, ducis Rupifocaldii¹⁵ filius, ideo quod adjutor Chevrusiae¹⁶ ad effugium fuerit.

1 Wladislas VII (IV) van Polen.

2 Ferdinand Siegmund Kurz. Hij was op weg naar Noordduitsland om een ontmoeting met Johan Adler Salvius te hebben; zie VIII no. 3379.

3 Peter Abel Schmalz, secretaris ter Zweedse kanselarij.

4 Amelia Elisabeth, weduwe van de op 1 oktober 1637 overleden Wilhelm V, landgraaf van Hessen-Kassel.

5 Wilhelm VI, landgraaf van Hessen-Kassel (1629-1663).

6 Het betreft hier de onderhandelingen die tussen Frankrijk en Engeland gevoerd werden; zie VIII, p. 426 n. 4.

7 Elisabeth Stuart, weduwe van de in 1632 overleden Winterkoning, Frederik V van de Palts.

8 De uitgave der Epist. heeft de lezing ‘decedat’.

9 Ṣafī (Sam Mirza).

10 Alvise Contarini di Nicolo.

11 Ferdinand III.

12 Johan Hoeufft, bankier te Parijs.

13 Johan Jespersson Kruus; zie over hem VIII no. 3206, p. 489, n. 2.

14 François VI, hertog van La Rochefoucauld, prins van Marsillac.

15 François V, hertog van La Rochefoucauld.

16 Marie de Rohan, hertogin van Chevreuse.

[p. 5]

Deus, Illustrissime Domine, faustum det hunc annum et publicis et privatis domus tuae rebus.

Scripsi postridie calendas Ianuarias anni inchoantis MDCXXXVIII more numerandi Lutetiano¹.

Excellentiae Tuae ad omne obsequium addictissimus H. Grotius.

1 De woorden, more numerandi Lutetiano' ontbreken in de uitgave der Epist.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: R. Hagae A^o. 1638 1/11 Januarij.