Briefwisseling van Hugo Grotius. Deel 9

3403. 1638 januari 2. Aan S. BIELKE⁵.

Illustrissime Domine,

Annum heic inchoamus novum, quem feliciorem nobis rebusque nostris det Deus quam fuit pars magna ejus, qui nunc effluxit; erit autem felicior, si aut subministrent opulentiores socii sumptus, unde bellum in locis tam arctis trahi diu possit, aut ad ea pacta hostes veniant, quae sine dedecore tutoque accipi possint.

5 Gedrukt Epist., p. 392. S.S. Bielke was Zweeds gezant in Duitsland.

[p. 3]

Utrum sit melius, scit Deus ac Tua Illustrissima Excellentia propius quam nos spectare ac dijudicare potest.

Nos eminus piis votis id, quod nostrum est, praestabimus, nam ut aliquid significare possimus, quod momentum ad res tantas habeat, vix sinit frigida haec atque iners anni tempestas; illud tamen forte non silendum, quod Venetus legatus¹ edoctus Constantinopolitanis literis affirmat aversa Turcarum consilia a pace cum Persa² manenteque eo bello simul virium partem in Moscovitas verti, quod Cosaccos Euxini maris praedones tutandos susceperint.

De Hassia, de Hanovia audimus satis dura; utinam ne brevi audiamus pejora.

In aula insuper hac non desunt novi motus qui cardinali Riceliaco difficile reddunt regimen et ipsius et belli odio. Bene se habet quod sustentat se quibus hactenus in locis dux Bernhardus³ et pecunia aliqua refovit militem neque dum quicquam adversus eum profecisse auditur Lotharingus⁴. Adde quod Batavos novis sibi pactionibus rex Galliae⁵ adstrinxit.

Misit Ferdinandus⁶ ad cardinalem Ginettium⁷ tuti itineris literas pro Suediae Batavorumque legatis⁸ missurus et pro Gallis, ubi rex Galliae pro suis miserit. Id eo pertinet, ut, si pro imperatore a Gallo illis literis habeatur, expedita sit ea difficultas; sin minus ut tum justam et ipse recusandi causam sibi esse dicat. Videtur utrimque non pax quaeri bona, sed invidia permanentis belli ab aliis in alios certamen derivari.

Deus, Illustrissime Domine, cuncta in bonum vertat eventum idemque Tuae Illustrissimae Excellentiae det valetudinem meliorem ac res prosperas.

Lutetiae, ubi nunc alter dies procedit anni 1638.

Illustrissimae Excellentiae Tuae omni obsequio addictissimus H. Grotius.

1 Alvise Contarini di Nicolo, Venetiaans ambassadeur te Parijs.

2 Ṣafī (Sam Mirza).

3 Bernhard, hertog van Saksen-Weimar.

4 Karel IV, hertog van Lotharingen.

5 Lodewijk XIII.

6 Ferdinand III.

7 Martio, kardinaal Ginetti, pauselijk legaat te Keulen.

8 Deze gezanten waren, voorzover mij bekend, nog niet benoemd.