Briefwisseling van Hugo Grotius. Deel 8
(1971)–Hugo de Groot–
Auteursrechtelijk beschermd3269. 1637 september 26. Aan L. CamerariusGa naar voetnoot4.Illustrissime Domine, Praelii ad Astam historiamGa naar voetnoot5 ita, ut hic in vulgus editur, mitto sine certo tamen authore. Decem machinas a Gallis captas video consentiri, de numero caesorum placet veterum historicorum exemplum sequi, qui eum nunquam prodi voluere ob variantes famas. Capella XXI mensis hujus ex novo calendario in regisGa naar voetnoot6 potestatem rediit impletis jam fossis subrutaque parte munimentorum urbis vallo adhaerentium. Sed plurimum impulit obsessos pestilentia. Eum exercitum et alterum, qui sub CandalioGa naar voetnoot7 ad Malbodium erat, in unum collegit Valetta cardinalisGa naar voetnoot8 paratus praelio, si id audeat cardinalis HispanusGa naar voetnoot9 ad Montis oppidum sedens paribus cum copiis, id est, ad XV millia. Dampvillerium jam operibus approximantibus impetitur speratque deditionem CastilionaeusGa naar voetnoot10 citra dies XIV; quem deinde speramus iturum auxilio duci BernhardoGa naar voetnoot11: ita enim sperare nos rex ipse jubet, cui quam necessaria sit aliqua hostilium virium per Germaniam revulsio quanquam per se satis intelligenti multis rationibus explicavi nudiustertius beneque auditus bona responsa retuli nihil omissurus eorum, quibus ea ad exitum perduci possint. | |
Chevreusii uxorGa naar voetnoot1 non in Angliam abiit, ut dicebatur, sed in confinium Benearni et Hispaniae, propinqua perfugio, si res urgeat. De Hanovia imperatoriGa naar voetnoot2 conciliata perstat utinam mendax fama. Vale, Illustrissime Domine.
Lutetiae, 16/26 7bris MDCXXXVII. Excellentiae Tuae omni obsequio addictissimus
| |
Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii. Boven aan de brief in de copie te Uppsala in margine: R. 4 Octob. st. nov. A.o 1637. |
|