Briefwisseling van Hugo Grotius. Deel 8

3212. 1637 augustus 19. Aan J.F. Gronovius⁶.

Legi Statiana tua⁷, vir doctissime, non mediocri cum voluptate, pridemque nihil habui, quo magis luberet graviora negotiorum interstinguere. Multis locis et hujus et aliorum scriptorum affudisti haud dubiam lucem; multis vocibus parum notum vulgo sensum ex intimis doctrinae penetralibus dedisti. Multas locutiones e latebris eduxisti, quare ut ita aant. pergas rogo hortorque.

Epistolae quam dudum est quod ad me miseras⁸, responderam epistola⁹ satis longa, in qua annotaveram quaecunque a me olim, Silvas Papinianas cum legerem, margini erant allita; miror eam ad te non pervenisse. Habeo ejus exemplum, sed non mitto; foret enim inutilis is labor, cum pleraque partim abs te partim ab aliis, quos ego non videram, sunt occupataaant., quaedam autem mea cogitata ita probabilia, ut alia non minus probabilia tibi aut aliis in mentem venerint. Neque vero legi tantum tua haec, sed et alios viros eruditos, quales multos habet Lutetia, ad eorundem invitavi lectionem. Ita non ego tantum tuis faveo studiis, sed et multos tibi fautores colligo.

Vale, mi Gronovi.

Tibi volens optime
H. Grotius.

6 aant.Gedrukt Epist., p. 351. Antw. op no. 3170; beantw. d. nos. 3233 en 3267. Voor geadresseerde zie men V, p. 229 n. 2.

7 Johannis Frederici Gronovii in P. Papinii Statii Silvarum Libros V. Diatribe. Hagae-Comitis, Ex Officina Theodori Maire. MDCXXXVII.

8 No. 2775 (dl. VII, p. 409).

9 Brief no. 2815 (dl. VII, p. 468), die Gronovius nooit heeft ontvangen.

Lutetiae, 19 Augusti 1637.