Briefwisseling van Hugo Grotius. Deel 8

[p. 489]

3206. 1637 augustus 12. Van A. Oxenstierna¹.

Amicissime vir,

Juvenem hunc optimae spei atque exspectationis Johannem Crusium² thesaurarii quondam regni³ filium, fratris mei⁴ privignum, de meliore nota tibi commendo. Is it nunc in externas regiones, ut mores et instituta aliarum gentium cognoscat, inprimis in Galliam, ut videat et diiudicet scitu digna. Est illustribus parentibus natus, bono loco in patria, et mihi gratus; ideoque cum te sciam nihil mihi officii denegaturum, id hortatus iuvenem sum, ut te adiret, atque ex tuo consilio suae vitae ac peregrinationis rationes institueret. Quicquid illi praestiteris officii, ita sum interpretaturus ac si mihi aut filio meo praestitisses Fac, quaeso, intelligam ab ipso reverso huic intercessioni meae locum datum esse. Neque patiar in me quicquam desiderari, quin tu cognoscas memoriam tui haud interceptam perpetuo mihi esse. Vale.

T. amicissimus
Axelius Oxenstierna m.p.

1 Hs. Den Haag, Kon. Bibl., coll. Corn. de Gr. IV 13 i. Eigenh. oorspr. Beantw. d. no. 3373.

2 Johan Jespersson Kruus.

3 Jesper Mattsson Kruus (†1622).

4 Gabriel Gustavsson Oxenstierna.

Raptim Stokholmiae, die 2 Aug. An. 1637.

Si quae digna relatu hic occurrant, ea a Crusio intelligere poteris.

Adres: Illustrissimo Dno. Hugoni Grotio S.R.M.^tis Suetiae Legato ordinario per Galliam et Consiliario secretiori.

In dorso schreef Grotius: 2 Aug. 1637. Cancellarius pour Mons.^r Croesen.