Briefwisseling van Hugo Grotius. Deel 8

[p. 277]

3067. 1637 mei 11. Aan L. Camerarius¹.

Illustrissime Domine,

Satis commendant Ulfsparrerum², cui has dedi literas, cognita ipsius nobilitas, propinquo sanguinis vinculo connexa cum D. Archidapifero³, tutore ipsius, et cum maximo viro D. cancellario⁴, cui et Suedia omnis et qui Suediae nos dedimus tantum debemus, quantum dici non potest.

Tum vero pares generi⁵ virtutes satis ipse ostendet, praesertim tibi tam acris exactique judicii viro.

Dabo tamen illi, quod debeo, non quo opus habet, testimonium, dum heic Lutetiae fuit, cognitum mihi amicitia interiore talemque repertum, ut generis adeo splendidi commendatione non egeat.

Durum est quod rogo, ut tantis ornamentis refulgens sentiat meam quoque sibi amicitiam profuisse. Et tamen hoc ipsum a tua bonitate et ea, quae inter nos est atque esse debet, non communis duntaxat rei, sed et studiorum honestissimorum conjunctione, sperare audeo.

Deo te, Illustrissime Domine, tuosque et tibi caros omnes commendo.

Tuae Illustrissimae Dominationi observantissimus
H. Grotius.

1 Copie Uppsala, UB., cod. 388a, ep. 75. Gedrukt Epist., p. 325. Geadresseerde, Ludwig Camerarius, was Zweeds gezant in Den Haag.

2 Göran Ulfsparre, later landdrost van Calmar, vrijheer van Brosevik.

3 Gabriel Gustafsson Oxenstierna.

4 De Zweedse rijkskanselier Axel Oxenstierna.

5 Friedrich Dorvilius, gehuwd met Maria Modesta Camerarius; vgl. VI, p. 59 en n. 6 aldaar.

Lutetiae, 1/11 Maii⁶ anni MDCXXXVII.

6 De datum is in de copie van Uppsala met andere hand in margine toegevoegd.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: Redd. A.^o 1637 d. 13/23 Maii.