Briefwisseling van Hugo Grotius. Deel 8

2968. 1637 februari 21. Van Christina van Zweden⁷.

Christina Dei gratia Suecorum, Gothorum Wandalorumque designata Regina et Princeps haereditaria, Magna Princeps Finlandiae, Ducissa Estoniae et Careliae Ingriaeque Domina.

Gratiam et favorem Nostrum singularem.

Nobilis et magnifice Nobis sincere fidelis,

Cum ad Nos hisce demum diebus referretur Corbiam esse recuperatam Gallassiumque⁸ ad confinia Rheni recessisse afflicto non parum exercitu, eo nomine congratulandum Christianissimo Regi⁹ existimavimus et ut literas adiectas, cuius exemplar una mittimus¹⁰, debito modo Ser.^ti Ipsius reddi cures, abs te benigne requirimus.

Non dubitamus quidem te inde pro tua prudentia animi Nostri intentionem facile dijudicaturum et in exponendo affectu ac intentione Nostra operam daturum, ut amicissimi regis in Nos studium reciprocum obfirmare et conservare queas.

Hoc tamen te admonendum duximus Nobis gratum fore, si argumentis convenientibus Christianissimum regem inducere possis, ut et Ipse copias suas ad

7 Hs. Stockholm, RA., coll. Gallica, brev. till legaten Hugo Grotius 1635-1638. Orig. d. regenten eigenh. ondertek. Beantw. d. no. 3022.

8 Matthias, graaf Gallas, bevelhebber in dienst van de keizer.

9 Lodewijk XIII van Frankrijk.

10 Ontbreekt.

[p. 108]

Rhenum transferat et cum primis ducis Bernhardi¹ conatus eo promoveat, ut is propius ad Germaniae confinia accedere possit ipsique a Christianissimo eum in finem quantum unquam poterit favoris ac adiumenti exhibeatur. Nos autem in legendo novo milite et aliis futurae aestatis bello necessariis adparandis occupatas esse nihilque intermissuras ex parte Nostra significare poteris eorum, quae communi caussae promovendae utilia iudicaverimus.

Caetera omnia, quae in rem Nostram fuerint, propriae tuae prudentiae ac dexteritati committimus et te Divino Numini benigne commendamus.

Dabantur in arce Nostra Stockholmensi, d. XI Febr. A^o. MDCXXXVII.

Sac. Reg. M.^tis regnique Sueciae respective Tutores et Administratores,
Gabriel Oxenstierna Gustavi
R.S. Archidapifer
Carolus Gyllenhielm
R.S. Ammiralius
Jacobus De La Gardie
R.S. Marschus
Axelius Oxenstierna
R.S. Cancellarius mp.
Gabriel Oxenstiern L.B. in Möereby et Lindholm
R.S. Thesaurarius.

1 Bernhard, hertog van Saksen-Weimar.

Adres: Nobili et Magnifico Nobis sincere fideli Nostro apud Christianissimum Galliarum Regem Legato ordinario Domino Hugoni Grotio clementer.

In dorso schreef Grotius: 11 febr. Regina regi et mihi 1637.