Briefwisseling van Hugo Grotius. Deel 8

[p. 84]

2954. 1637 februari 12. Aan L. Camerarius¹.

Illustrissime Domine,

Non multum quidem nunc est, quod scribam: est tamen aliquid epistola dignum.

Ante hos dies V regi² coram conciliatus est Aureliani in urbe frater regius³ magnis utrinque fraterni amoris vere reducti indiciis. Subsistet Blesis per dies aliquot inde venturus, ut dicit, in hanc urbem amotis a sua familia 10 ferme, qui regi displicebant.

Apud comitem⁴ Suessionensem est nunc Brionius⁵, qui a fratre regio literas ad eum attulit significantes se suo⁶ transacto negotio jam ad ipsius bene ponendum anniti; quod an fieri possit, multum ambigitur, praesertim cum ejus comitis mater⁷ jam inexorabili regis jussu pressa ab hac urbe Creilam discesserit. Sed graviora saepe mala sanavit tempus speroque ducem Bulionium⁸ ejusque matrem⁹ ita se temperaturos, ut neque in regis obsequio claudicent neque regium sanguinem minoris quam oportet aestiment.

Habemus in hac urbe ducem Vinariensem¹⁰, quem quotquot hic sumus legati omni ope adjuvabimus, ut cum proprio exercitu mittatur in eas partes, unde maxime negotium hosti faciendo Banerium¹¹, in quem undique tantus fit concursus, sublevare possit.

Rex puto cras Versaliae erit. Regni intus res se bene habent.

Vides me litteras quamvis breves malle mittere quam te ulla parte rerum, quas sciri intersit fraudare.

Deus te, Illustrissime Domine, cum familia sospitet.

Illustrissimae Dominationi omni cultu observantissimus
H. Grotius.

1 Copie Uppsala, UB., cod. 388a, ep. 64. Gedrukt Epist., p. 302. Ludwig Camerarius was ordinarius Zweeds gezant in Den Haag.

2 Lodewijk XIII van Frankrijk.

3 Gaston Jean-Baptiste de France, hertog van Orléans.

4 Louis de Bourbon, graaf van Soissons.

5 François Christophe Lévis-Ventadour, graaf van Brion.

6 De copie te Uppsala heeft hier abusievelijk: ‘sub’.

7 Anne de Montafié.

8 Frédéric Maurice de La Tour d'Auvergne, hertog van Bouillon.

9 Elisabeth, prinses van Oranje, gravin van Nassau (1577-1642).

10 Bernhard, hertog van Saksen-Weimar.

11 Johan Gustavsson Banér, Zweeds maarschalk.

Lutetiae, XII¹² Febr. 1637 n. cal.

12 De editie der Epist. dateert de brief - m.i. ten onrechte - op 16 februari.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: Redd. Hagae A. 1637 d. 16/26 Febr.