Briefwisseling van Hugo Grotius. Deel 8

2934. 1637 januari 26. Van C. Huygens¹.

Quod ab affine Reigersberghio² in antecessum acceperis³, rogat te princeps meus⁴, ut paulisper hoc sibi vaces et, qua commodo tuo fieri possit, sententiam scripto exponas circa tres quaestiones schedula ista comprehensas.

Prima, ut intelligis, illustris est et apprime te digna, proposita pridem quoque nonnullis et praecipuis, sed communium et, quales hoc ferme forum occupant, trivialium caussarum patronis; quorum solutioni proinde trepide et παϱαφόϱως datae non fuit visum acquiescere.

Quae sequitur, ut multifaria sit neque unius genii, minus nodi habet inspectis, quae accedunt, testamentis et quas impetravimus, ut ad singula feuda annotavi, strictius laxiusve testandi licentiis. Adeo hic stabiliendis magis aliorum opinionibus et responsis adhiberis, vir summe, quam ut quasi desperato ulceri archiater invoceris.

Tertia, ne fallaris, non iurisconsulti cuiuspiam, sed solius principis est, qui πεϱὶ τοῦ ἀδυνάτου τοῦ πϱάγματος non semel monitus controvertere hoc tamen amat et in luce meridiana caecutire videri, cum sua interesse sentiat, ne vel haec diem faciat.

Quarto capite quid postuletur, vides. Addendum et hic tamen, ut, quam operte fieri possit, excutienda quaestio Gallis tradatur. Nosti scrupulum, et quam in illa gente non unius vulturis esset hoc cadaver⁵, nisi caussam per se validam etiam armis tueremur.

Expectabimus, vir nobilissime, quam mox tantillum gravioribus curis subcidere volueris, qui quasi ludibundus haec tractare vales et secure feriari inter spinas, unde nec se magna ingenia sine sudore expediant.

Vale et me ama, excelsi nominis et virtutis tuae

cultorem addictissimum
C. Huygens.

1 Hs. Amsterdam, Bibl. Kon. Ned. Ak. v. Wetensch., cat. no. XLIV, 251 bis. Minuut in dezelfde collectie. Eigenh. oorspr. Niet ondertek. Gedrukt J.C.G. Boot, De Latijnsche Brieven van Constantijn Huygens, bewaard in een Handschrift der Kon. Akademie van Wetenschappen in Verhandelingen der Koninklijke Akadamie van Wetenschappen. Afdeeling Letterkunde. Achtste deel. Amsterdam, C.G. van der Post, 1875, p. 35; Worp, Briefw. C. Huygens II, p. 224.

2 Nicolaes van Reigersberch.

3 Wellicht betreft het hier een advies, dat Frederik Hendrik aan Grotius gevraagd had inzake een erfeniskwestie; zie VII, no. 2859. Men vergelijke voorts Koninklijk Huisarchief, inventaris 14-VII nos. 3, 4, 5 en 6, en UB. Leiden, BPL., no. 919.

4 Frederik Hendrik.

5 Vgl. Martialis, Epigr. VI 62: cuius vulturis hoc erit cadaver?

Hagae Com., VII Cal. Feb. MDCXXXVII.

Rogaris item, quod omiseram, ut vernaculo sermone nostro potius quam latino aut Gallico respondeas atque ut haec scripta denique simul cum consilio remittantur.

Boven aan de brief staat: Grotio, et ab eo remissa.