Briefwisseling van Hugo Grotius. Deel 8

2927. 1637 januari 22. Aan L. Camerarius³.

Illustrissime Domine,

Habemus rerum novarum haud ita multum, nisi quod pro certo jam habetur trans Rhenum ire iam⁴ Gallassium⁵ parte copiarum circa Burgundias relicta.

Metuendum est, ne interni motus belli externi consiliis impedimenta adferant. Rex⁶ ad fratrem⁷ misit quidem conditiones per Leonem⁸, consiliarium regium, sed ita ut simul iter ipse paret Fontembellaqueum, inde Aurelianum et Blesas armis expressurus obsequium, ni sponte pareatur. Comiti Suessionensi⁹ oblatum ab Hispano¹⁰ militem satis constat: sed speratur prudentior¹¹ futurus quam ut exosae apud omnes Gallos genti causam suam immisceat.

Rex a civitatibus municipiisque magnas pecunias poscere instituit mutui nomine. Sed vix patientur¹² id effectum dari tempora. Certe princeps Condaeus¹³ hujus urbis praefecturam, dum rex aberit, suscipere noluit, nisi hac lege, ne quicquam novi oneris injungeretur, malum alioqui providens.

Interim gravissime premitur Placentia, etiam Rivaltae in proximo agro Parmensi potitis Hispanis. Classis otiosa desidet, non per hyemis tantum incommoda, sed per rerum quoque multarum penuriam.

3 Copie Uppsala, UB., cod. 388a, ep. 61. Gedrukt Epist., p. 297. Ludwig Camerarius was ordinarius Zweeds gezant in Den Haag.

4 Het woord ‘iam’ ontbreekt in de copie te Uppsala.

5 Matthias, graaf Gallas.

6 Lodewijk XIII, koning van Frankrijk.

7 Gaston Jean-Baptiste de France, hertog van Orléans.

8 Charles Brulart de Genlis, prieur de Léon, gezegd Brulart de Léon (1572-1649).

9 Louis de Bourbon, graaf van Soissons.

10 De kardinaal-infant van Spanje, Don Fernando, had via Maria de Medici troepen beloofd. Ook Tommaso Francesco van Savoye, prins van Carignano - hij was een zwager van Louis de Bourbon - deed dergelijke beloften.

11 De copie te Uppsala heeft abusievelijk: prudenter.

12 De copie te Uppsala heeft abusievelijk: patienter.

13 Henri de Bourbon, prins van Condé.

[p. 36]

Erit hic brevi dux Bernhardus¹ collocato bonis in locis ad agendam hyemem milite.

De Ragoskio² varie hic disseritur aliis a Turca³ in fidem receptum aliis a Turca eum oppugnari dicentibus.

Tanta hic fervent negotia, ut de Coloniensi conventu cogitandi vix otium sit: nec sane properat Hispanus. Nuntii tamen pontificii, tum qui hic est⁴, tum qui Bruxellis⁵, non desinunt moliri conciliatores⁶.

Scripsit Iustellus⁷ librum pro domo Palatina⁸ dignum sua eruditione. Non dubito, quin iam ad vos exempla pervenerint.

Duci Bernhardo a rege imperatum est ad ipsum, qui jam Fontembellaqueum abiit, quamprimum ut veniat.

Ratisbona scribitur Leopoldum⁹, imperatoris filium, electorem Trevirensem fieri debere.

Deum rogo, Illustrissime Domine, tibi tuisque ut res det prosperas.

Tuae Illustrissimae Dominationi omni cultu addictissimus
H. Grotius.

1 Bernhard, hertog van Saksen-Weimar.

2 Georg Rákóczi, vorst van Zevenburgen.

3 Amurath IV, sultan der Ottomanen.

4 Giorgio Bolognetti, bisschop van Ascoli.

5 Richard Paul Stravius.

6 De uitgave der Epist. heeft abusievelijk: conciliaturas.

7 Christophe Justel.

8 Discours du Palatinat et de la dignité électorale, appartenant au prince, Charles-Louis, électeur palatin du Rhin, contre les prétentions et l'injuste possession du duc de Bavière... (s.l.) 1636.

9 Leopold Wilhelm, zoon van Ferdinand II.

Lutetiae, 12/22 Ianuarii 1637.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala: R. Hagae 1637 d. 3/13 Febr.