Briefwisseling van Hugo Grotius. Deel 7

2740. 1636 september 2. Van Willem de Groot¹.

Frater optime,

Pecuniam, uti mandaveras², parentibus³ annumeravi quemadmodum ex paternis puto litteris⁴ intelliges.

Reigersbergius⁵ ad nos nondum rediit, sed hac septimana rediturus putatur; agam cum eo de omnibus tuis negotiis.

Heri extulimus Lugduni cognatam Ermgardam Reigersb[erg]iam⁶, quae Sculenburgio marito⁷ duabus tantum septimanis supervixit; eam ad sorores properantem mors prope Vorburgam in navigio oppressit, postea contagionis notae apparuerunt. Cras puto efferemus cognatum Guilielmum Debyaeum⁸, qui et ipse e castris domum navigans prope Iselmundam supremum obiit diem eodem mortis genere: nos reliqui omnes Dei gratia valemus.

In castris contagio valde grassatur neque quicquam adhuc rerum geritur, nisi quod princeps⁹ Staeckenbroecium¹⁰ cum equitatu in Brabantiam misit, incertum quo consilio.

Nos hic jam nihil fere habemus novi; tantum per Brabantiam accipimus Hispanos ad sua se recipere; caesine sint a Gallis an metu cesserint, nondum certo constat, et ideo valde avemus certiora a vobis intelligere.

Navis quaedam Societatis Indiae Occidentalis cepit aliam, quae trecenta circiter florenorum millia vehebat in Hispanorum stipendia eroganda; ea nunc in nostros cedent usus.

Plura jam non habeo, quare abrumpam Deum orans, ut te, tuam, tuos diu nobis servet incolumes. Salutem tibi multi amici et cognati scribere jusserunt, Reigersbergiae¹¹, Endegestii¹² nostri (?) et inter alios Heinsius¹³, Tisius¹⁴, Vorstius¹⁵.

Tibi obsequentissimus frater
Guilielmus Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr. Wellicht antw. op de verloren gegane brief, waarnaar Grotius in zijn schrijven van 18 augustus (no. 2716) verwijst; beantw. d. no. 2797.

2 Vgl. no. 2739, p. 363.

3 Jan de Groot en Aeltgen Borre van Overschie.

4 No. 2739.

5 Nicolaes van Reigersberch.

6 Zie no. 2739, p. 363 en n. 8 aldaar.

7 Zie no. 2739, p. 363 en n. 9 aldaar.

8 Zie no. 2739, p. 363 en n. 7 aldaar.

9 Frederik Hendrik.

10 Luitenant-generaal der ruiterij Jhr. Thomas van Stakenbroeck († 1644).

11 Suzanna, weduwe van dr. Anthonie Bloncke.

12 Jhr. Nicolaas van Schouwen († 1637), in mei 1627 door Frederik Hendrik beleend met Endegeest, en diens enig overgebleven broer, Jhr. Jan van Foreest van Schouwen.

13 Daniel Heinsius.

14 Wellicht Anthony Thys; zie over hem IV, p. 429 n. 12.

15 Stellig de Leidse hoogleraar Adolf Vorst, hoewel mij niet bekend is, dat hij connecties met Grotius onderhield. Zie over hem IV, p. 14 n. 4.

Raptim Hagae, II Septembris 1636.

[p. 365]

Adres: A Monsieur Monsieur Grotius, Ambassadeur de la Reyne et couronne de Suède vers le Roy Trèschrestien A Paris.

In dorso schreef Grotius: 2 Sept. 1636 W. de Groot.

Boven aan de brief: Rec. 4 oct.