Briefwisseling van Hugo Grotius. Deel 6

2366. 1635 november 25. Aan N.C. Fabry de Peiresc¹.

Mitto, vir nobilissime, nonnulla e Porphyrii² libris allata a christianae fidei defensoribus, unde cognitu facile, quam multa in eundem usum derivari possint e libris ejus, si totos haberemus; illos praesertim, quos contra christianos cum scriberet, plurima ipse in se et suos arma porrexit. Veneno, quod inesse iis libris potest, satis parata remedia ex tot christianorum veterum apologeticis scriptis, illis praecipue, quae contra Celsum Origenes³, contra Iulianum Cyrillus⁴ commentati sunt.

Quare ad egregium publicum pertinere arbitror, ut illi libri sint in manu eorum, qui uti et velint et possint.

25 Nov. 1635.

1 Copie Aix-en-Prov., Bibl. de Méjanes, ms. 205-1023. Beantw. d. no. 2440. Gedrukt Epist., p. 197; Ep. ad. Gallos, p. 385.

2 Over Porphyrius zie III, p. 230 n. 8.

3 Betreffende Origenes en zijn Κατὰ Κέλσου zie III, p. 444 n. 7.

4 Betreffende Cyrillus van Alexandrië en zijn Adversus libros athei Juliani 30 libri zie III, p. 444 n. 8.