Briefwisseling van Hugo Grotius. Deel 6

2346. 1635 november 11. Van C. de Groot¹¹.

Parens mihi plurimum venerande,

Hesterna die, quae Nov. XI. sospes Caletum perveni, laetior eo, quod iam hinc minore cum metu periculi detur mihi iussa tua exsequi.

11 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 25. Eigenh. oorspr.

[p. 331]

Fuit enim id maius per has Picardiae partes iter facienti quam fore credideram, cum et eorum ingens fuerit trepidatio, qui has oras ire atque redire sueti sunt. Croatarum Abbevillam inter et Montreuillium tanta est cursitatio, ut neminem in via publica, quae est inter illas urbes, sit reperire. Per noctem euntes dispositus ubique stationes et diligentes agrestium excubias vidimus, qui nullo milite defensi hostem suis viribus avertere coguntur, cuius tanta est crudelitas, ut nec aetatis nec sexus ulla sit reverentia, sublato proxime praecedente Veneris die per Hesdini praefectum¹, quae urbs Hispanicarum est partium, quicquid inter arma humanitatis poterit observari. Namque ille, qui Montreuillio praesidet², dandos in posterum neci annuntiari iussit, quotquot in Croatarum manus inciderent nationis Gallicae, qui idem vicissim in hostiles copias subditosque omnes Hispaniae regis³, quos in agris circumiacentibus deprehenderet annunciavit.

Inter haec Chaunius⁴ Ambiani agit, ubi venationibus se quotidie delectat multum ab illis detestatus, qui villas habitant, et quibuscunque per has vias eundum est.

Castilionaeus⁵ in aulam rediens non longe Parisiis progressis fuit obviam nobis factus in aulam redeuns, sed et huic male volunt nec de ipso Riceliaco caute loquuntur, ut qui illos hosti iugulandos obiiciat, ipse in sui corporis tutelam tot habeat tamque instructos armis equites.

Sed ut ad mea redeam: neque bellicas neque onerarias naves ullas hic reperio, quae ratio est, cur in Angliam me paro arrepturus occasionem quamcunque in Hollandiam transeundo iudicabo utilem.

Glaersium⁶ non alloquar, cum ab eo nihil mihi commodi sperem nec quicquam interea omittam, quod facere possit ad monstrandam, quam debeo rebus tuis, ut paternis, diligentiam.

Deus, venerande pater, te, matrem meam ad quam proxima occasione daturus sum litteras, nosque omnes tutela sua dignetur.

Tuus tibi obedientissimus filius
Cornelius Grotius.

1 Alexandre de Robles, graaf van Annapes, baron van Billy, heer van Wevelghem.

2 Charles, graaf van Lannoy-La Boissière (†1648.

3 Philips IV.

4 Honoré d'Albert, hertog van Chaulnes, gouverneur van Picardië.

5 Gaspard de Coligny, graaf van Châtillon.

6 Cornelis de Glarges, agent der Staten te Calais; zie over hem IV, p. 478 n. 2.

Caleti, XI Nov. nov. cal. MD[C]XXXV.

Adres: Monsieur, Monsieur l'Ambassadeur de Suède vis à vis le Louvre à Paris.

In dorso schreef Grotius: XI Nov. Corn. de Groot, 1635.