Briefwisseling van Hugo Grotius. Deel 6

2281. 1635 september 20. Aan L. Grubbe¹¹.

Nobilissime Domine,

Tristia sane sunt, quae literae tuae IV Augusti vet. cal. datae nuntiant, sed

11 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 82. Gedrukt Epist., p. 182; over Lars Grubbe zie V no. 2064, p. 432 n. 12.

[p. 229]

tamen, qualiacumque sunt, sciri oportet. Iners malorum remedium ignorantia est. De Saxone¹ mirarer, nisi illam aulam pridem fama cognossem. Valde res ignorat, si putat se solum cum aliquot sectatoribus tutiorem fore ab Austriacis quam tota regna Suedeorum et Francorum.

Heic res aguntur non, quanta vellem, cura, attamen nec frigide. Rex² cohortes, quae nunc regimenta dicimus, excivit XX multis e Galliae partibus, ut ducem Carolum³ a populo nimium ipsi studente dimoveat Helvetiorum expectans auxilia. Ter mille pedites, equites quingenti e Lotharingicis ad Sancti Michaëlis tenentur Gallorum indagine. Hi aut in casses incident aut Lotharingum implicabunt proelio, quod genus bellandi Galli maxime pro se esse arbitrantur.

De landgravii⁴ rebus et utrum se cum Valetta⁵ iam iunxerit, an impediat hoc Gallassius⁶ urbe, ut vult, Francofurti utens, sane nescimus. Ita omnia itinera partim hostium partim aliorum insidiis infesta sunt.

In Italia frigent res post Villattam captam, exiguum oppidum. Pontifex⁷ intercedit bello, cuius interest Italiam quietam esse. Tamen Valentiam a Gallis sociisque obsessam, qui optant, credunt. Classis Hispanica quiescit adhuc. Inducias cum Polono⁸ non sine nostro damno factas intelligo. Sed ea nostris occasio erit res Germanicas in melius etiam invitis Germanis promovendi.

Lunemburgici conventus⁹ constituta, ubi finem deliberatio acceperit tibique commodum erit, expectabimus.

Vereor, ne nova intercedant certamina Hollandis cum Anglis, e quorum illi portu navem abduxere hostilem.

Velim scire, quid de ea re A.D. Feuglero¹⁰ aliisque Hamburgensibus, amicis meis videatur. Puto illos quoque in eorum esse numero, qui commerciorum causa neque nos neque Gallos neque alios volunt offendere. Ego non illis tantum, sed omnibus pacem opto veram, honestam et tutam. Pax una triumphis innumeris potior¹¹.

Vale, vir nobilissime, et cave dubites amicitiam a me tuam fieri plurimi, quod utinam rebus possem potius quam verbis ostendere.

Tuae Nobilitati observantissimus
H. Grotius.

1 Johann Georg, keurvorst van Saksen.

2 Lodewijk XIII van Frankrijk.

3 Karel IV, hertog van Lotharingen.

4 Wilhelm, landgraaf van Hessen-Kassel.

5 Louis de Nogaret d'Epernon de La Valette.

6 Matthias, graaf Gallas, bevelhebber van Ferdinand II.

7 Urbanus VIII.

8 Zweden had op 12 september 1635 te Stuhmsdorf met Wladislas VII (IV) van Polen een bestand gesloten voor de duur van 26 jaar.

9 Vgl. no. 2262, p. 199.

10 Niet geïdentificeerd.

11 Hieronymus Megiserus, Paroemiologia Polyglotta, Leipzig 1605, 157 geciteerd door Hans Walther, Proverbia sententiaeque latinitatis aevi. - Lateinische Sprichwörter und Sentenzen des Mittelalters in alphabetischer Anordnung. Göttingen, 1963 (Carmina medii aevi posterioris latina 2 : 1) no. 21059.

Lutetiae, X/XX Septemb. MDCXXXV.