Briefwisseling van Hugo Grotius. Deel 6

2254. 1635 augustus 26. Aan A. Oxenstierna³.

Excellentissime Domine,

Qui his meis coniunctas literas Sublimitati Tuae scribit, est domo nobilis et in honorata militia adjutor sive locumtenens, ut loquuntur, cohortis praetoriae regiae⁴. Multos in aula hac amicos habet, qui omnes me rogarunt, ut ipsius negotium summae aequitati Sublimitatis Tuae commendarem. Accepit in dotem nomen aliquod militare ex bello, ni fallor Livonico, de quo rex⁵ immortalis memoriae Gustavus suum ipsius auctori chirographum dedit. Ego, qui ignorarem, quid in Suetiae regno de id genus nominibus esset constitutum, nihil definite dicere ei potui; neque tamen putavi negandas ei meas ad Sublimitatem Tuam literas rogante praesertim id comite Brulono⁶, qui suas et ipse preces scriptas adjungit, quibus Sublimitas Tua tantum, quantum aequitas feret, tribuet ponderis.

Deus te, Excellentissime Domine, diu servet incolumen.

Tuae Sublimitatis cultor devotissimus
H. Grotius.

3 Hs. Stockholm, RA. Eigenh. oorspr. Gedrukt Ep. ex Mus. Meerm., p. 25; Oxenst. Skrifter 2. afd. II, p. 73.

4 Garde française, waarvan de officieren meestal van adel waren.

5 Gustaaf II Adolf.

6 Anne, graaf van Brulon.

Lutetiae, XVI/XXVI Augusti MDCXXXV.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.