Briefwisseling van Hugo Grotius. Deel 6

[p. 137]

2218. 1635 augustus 3. Aan G.J. Vossius¹.

Scripsi heri ad te, Vossi praestantissime, via alia²; nunc ne me putes imputatorem non tui proprie scribo, sed amicorum causa communium Suedi et Poloni - gentes audis duas forte nunc inter se hostes, sed id nihil ad Musas - Benedicti nempe Skyttii³ et Georgii Slupeckii⁴, quos ego et propter te amo - sunt enim non eruditi tantum, verum et boni - et propter te, cuius opus est uterque. Alteri pro oratione missa⁵ gratias egi, alterius literis⁶ respondeo; cumque vias haec ad ipsos mittendi ibi rectius quam heic cognitas existimem, patieris spero hoc super tot alia a me tibi iniungi oneris, sed ea lege atque omine, ut si quid tu, uxor⁷, liberi⁸ habeatis, quod curandum sit, nostrum omnium, quotquot heic sumus, ne parcas operae.

Vale, vir eximie.

Tuus ut semper
H. Grotius.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 64. Gedrukt Epist., p. 168.

2 No. 2217.

3 Over Benedikt-Bengt-Skytte zie V, p. 242 n. 2.

4 Jerzy Slupecki de Konary; zie IV, p. 52 n. 7.

5 Vgl. no. 2203, p. 116 en de verwijzing in n. 2 aldaar.

6 No. 2216.

7 Elisabeth Junius.

8 Vgl. no. 2186, p. 95 n. 15.

Scribebam Augusti III ex novo Calendario anni MDCXXXV.