Briefwisseling van Hugo Grotius. Deel 6

2206. 1635 juli 31. Aan F. Sprecher⁷.

Vir Nobilissime,

Aliquot sunt dies, cum Veneti legati⁸ comitate literas tuas nono ad me Julii datas accepi edoctusque sum de rebus feliciter per ducem Rohanium⁹ gestis, quas iam rumor ipsiusque literae Rohanii huc detulerant. Speramus cetera pro istis initiis fore Rhaetosque veteri jure perpetuo usuros. Quid porro in Italia sit futurum, exspectat totus orbis partim iam concussus bellis partim alienorum bellorum exitus ad se spectare intelligens.

Ducis Bernhardi¹⁰ militi ne diffluat, rex¹¹ trecenta mittit florenorum millia plura in posterum pollicitus additque auxilia de eo exercitu, quem suo sub imperio habiturus est cardinalis Valetta¹² pervenire creditus ad viginti peditum, equitum duodecim millia. Sex alia equitum, peditum ferme itidem sex Incolismensis¹³ et Lafortius¹⁴ circa Lotharingiam habebunt communi aut partito per dies imperio.

7 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 55. Gedrukt Epist., p. 165. Over Fortunatus Sprecher zie IV, p. 138 n. 9.

8 Alvise Contarini di Nicolo.

9 Henri, hertog van Rohan.

10 Bernhard, hertog van Saksen-Weimar.

11 Lodewijk XIII van Frankrijk.

12 Louis de Nogaret d'Epernon de La Valette.

13 Charles de Valois, hertog van Angoulême.

14 Jacques Nompar de Caumont, markies van La Force.

[p. 119]

Princeps Arausionensis¹ Rurimondam obsidere dicitur bona cum spe capiendi non ejus tantum oppidi, sed et eorum, quae iuxta sunt, maxime si Galli ad praelia, ut scis, nati hos novos e Germania exercitus aut eorum partem conciderint.

Angli quanquam classe validi iura pacis utrisque bellantium servant. Rex ad Cantiliacum est, diei hinc itinere, cardinalis² propius Ruellae: bene animati ambo. Quae significari magno cancellario³ cupis, et ipse perscribere prima occasione non omittam. Gaudii maximum habiturus materiam, si quid unquam facere potero, quod tibi sit gratum: cui non minus quam communi Rhaetorum omnia opto prosperrima.

Tuae Nobilitati addictissimus
H. Grotius.

1 Frederik Hendrik.

2 De Richelieu.

3 De Zweedse rijkskanselier Axel Oxenstierna.

Lutetiae, XXXI Julij nov. Cal. MDCXXXV.