Briefwisseling van Hugo Grotius. Deel 6

2198. 1635 juli 27. Aan L. Grubbe².

Nobilissime Domine,

Tarde procedere literas ex postremis tuis satis conspicio, quas XVI Junij vet. cal. ad me datas non ante hesternum diem accepi.

Pro iis, quae nuntias et pro Saxonis³ ad Bannerium⁴ literis ago gratias. Valde metuendum est, ne adversae ad Rhenum res et per Belgium minus felicia nostrorum sociorum arma belli fessos animos ad sequiora inclinent. Et in hac aula qui nobis non optime volunt, spargunt rumorem irritati Lunenburgici principis⁵ abducto Suedico milite; quod si factum est non iure⁶ tantum repetitum esse, quod commodatum fuerat, sed et nostra tuendi necessitate paritum satis liquet. Verum nunquam defuit quod causarentur, quibus propositum est pro temporibus mutare consilia.

Interim rex Galliae⁷ non tantum gravibus sociorum malis, sed suo ipse periculo exterritus pecuniam duci Bernhardo⁸ mittit, milites praeterea decies ferme mille de exercitu cardinalis Valettae⁹ ipsi attribuit. Id ut speramus, tum cis Rhenum Argentorato tum ultra Rhenum Francofurto addet animos, praesertim si et in Belgico famis malo liberati exercitus egregii aliquid coeptaverint quaeque cum Sabaudo¹⁰ pacta sunt, citra moram in rem conferantur.

Rex bene et valet et animatus est nec minus cardinalis¹¹. Si quid peccatur, neglectu peccatur eorum, qui sub ipsis res administrant. Si qua erumpent arcana Saxonicae pactionis¹², erunt ea et in hac aula et alibi maximo¹³ usui. Sed et cetera, quae geruntur, scire non erit utilitatis vacuum. Brandenburgicum¹⁴ a federe non abiturum et constantia ipsius et res ejus cum rebus Suedicis non uno vinculo connexae ut credamus, faciunt: eiusque auctoritate, quae remoto Saxone inter Germaniae protestantes merito est maxima, retineri posse et alios, ne se in casses inducant, speramus. De Arnhemio¹⁵ a diversis diverse existimatum est.

2 Copie Den Haag, ARA. Eerste afd., coll. Hugo de Gr. Aanw. 1911 XXIII no. 1, p. 54. Gedrukt Epist., p. 164. Over Lars Grubbe zie V no. 2064, p. 432 n. 12.

3 Johann Georg, keurvorst van Saksen.

4 Johan Banér, Zweeds maarschalk.

5 Georg, hertog van Braunschweig-Lüneburg.

6 De editio der Epist. heeft ‘lucro’.

7 Lodewijk XIII.

8 Bernhard, hertog van Saksen-Weimar.

9 Louis de Nogaret d'Epernon de La Valette.

10 Vittorio Amedeo, hertog van Savoye.

11 De Richelieu.

12 Zie no. 2131, p. 3 n. 8.

13 De editie der Epist. heeft ‘magno’.

14 Georg Wilhelm, keurvorst van Brandenburg.

15 Johann Georg von Arnim.

[p. 109]

Si certis rebus constat eius Brandenburgico ac sociis noxia molitum, haud diu apud illos tolerabitur. Videbimus igitur, quo se tandem sit recepturus. Ea erit optima cogitationum ipsius interpretatio.

Deus magni cancellarii¹ prudentiam ac fortitudinem prosperis successibus augeat teque, Nobilissime Domine, praestet incolumem.

Tuae Nobilitati addictissimus
H. Grotius.

1 De Zweedse rijkskanselier Axel Oxenstierna.

Lutetiae, XVII/XXVII Julii MDCXXXV.