Briefwisseling van Hugo Grotius. Deel 6

2130. 1635 juni 3. Van C. Sarravius⁵.

Bonum Virum Tresellium nostrum⁶ ad te proficisci cogitantem rogaveram, ne me inscio iter institueret. Verum apud Caletes aberam, provinciali nostrarum ecclesiarum synodo delegatus mandato regis ἔφοϱος, quando Lutetiam perrexit. Quod tunc itaque non licuit, modo breviter perstringam.

Summa me cumulavit laetitia tuus in Galliam adventus cum multis rationibus tum hac maxime, quod amplissima ornatus dignitate te totum orbi exhibeas. Scilicet inter privatos excelsa tua virtus maiori digna theatro latere diutius non poterat. Tu nunc apud Optimum Maximum regem⁷ maxima Europae negotia tuis consiliis promoves. Tecum Germanicus Atlas magnus Axelius⁸, ingentes partitus curas habet a tua solertia solatium, quod frustra ab alio quovis expectasset. Utrique

5 Gedrukt Marquardi Gudii et Claudii Sarravii Senatoris Parisiensis Epistolae Una cum Responsis: Quibus accedunt ex Bibliotheca Gudiana clarissimorum & doctissimorum Virorum, qui duobus ultimis seculis floruerunt ... Curante Petro Burmanno [II] Claudii Sarravii Senatoris Parisiensis Epistolae ex Bibliotheca Gudiana avctiores. Lvgdvni Batavorvm, Apud Joh. du Vivie, MDCCXI, p. 11; Ep. ad Gallos, p. 473. Beantw. d. no. 2138. Voor de schrijver, Claude Sarrau, zie III, p. 200 n. 8.

6 Daniel Tresel; zie over hem II, p. 129 n. 6.

7 Lodewijk XIII.

8 De Zweedse rijkskanselier Axel Oxenstierna.

[p. 3]

vestrum debere nos credimus, quod aperto Marte cum ventosis et insolentibus huius regni perpetuis hostibus Hispanis bellum geramus; quod ut justum, ita et Deo acceptum, novissima de iis tropaea¹ satis produnt.

Faxit Deus exercituum ut bene coepta feliciter procedant et felicissime desinant. Te vero precor obtestorque, aevi nostri maximum decus, ut me cultorem et admiratorem tui praecipuum veteri et solita benevolentia prosequaris.

Rothomagi, III. Non. Iun. M.DC.XXXV.

1 Zie V no. 2123, p. 510 en n. 4 aldaar.