Briefwisseling van Hugo Grotius. Deel 5

[p. 524]

Bijlage no. 6
Brief van A. Oxenstierna aan Lodewijk XIII¹ dd. 6 januari 1635.

Serenissime ac Potentissime Rex,

Domine clementissime,

Quo magis constet de amico gratoque animo clementissimae Reginae meae² rectorumque regni Sueciae³ pro hactenus praestito amico affectu ac benevolentia ac meo quoque pro Maiestatis Vestrae in me favente benignitate atque magis ac magis occasio detur eidem Vestrae Maiestati perstandi in tam amica ac benigna voluntate, e re existimavi legatum Suae Regiae Maiestatis Reginae meae regnique nomine ea potestate mihi concessa mittere magnificum et nobilem Dominum Hugonem Grotium dictae Suae Regiae Mai. consiliarium, quem multas ob causas acceptum fore Regiae Mai. Vestrae confido, rogoque, ut ei tanquam mihi aut ipsis regni Suedici rectoribus fidem habeat Vestra Maiestas amicoque in Reginam regnumque Sueciae animo, in me benevolente, audiat ea, quae nomine nostro dicturus sit et quae pro horum temporum ratione ostendenda habeat⁴ Vestrae Maiestati.

Illud spondere possum clementissimae meae Reginae rectoribusque regnoque Sueciae nunquam defore gratum mihique addictum et obsequentem in Majestatem Vestram animum neque passuros ullas abire occasiones, quibus id demonstrari possit.

Quas exspectans Deum precabor, Rex Potentissime, ut paterna cura tueatur vitam, incolumitatem ac solium Vestrae Maiestatis, quippe qui sim haberique semper cupiam.

S.^ae Regiae Majestatis Vestrae

Dabam Moguntiaci,
die XXVII Decembris
Anno MDCXXXIV.

Humillimus et obsequentissimus servitor
Axelius Oxenstierna m.p.

1 Hs. Parijs, Aff. Étr. Suède 3, no. 292. Eigenh. ondertek. Copie Den Haag, KB., coll. Corn. de Gr. no. IV 13^b. Blijkens de dorsale notitie van de hand van Grotius was het afschrift voor hem bedoeld. Oxenstierna's datering is in oude stijl.

2 Christina van Zweden.

3 Zie voor hun namen no. 1964, p. 297 n. 2.

4 De copie heeft de lezing ‘habebit’.

Adres: Serenissimo ac Potentissimo Principi et Domino Domino Ludovico XIII, Franciae et Navarrae Regi Christianissimo Domino Clementissimo.

In dorso van de copie met de hand van Grotius: 27 dec. 1634 Literae ad Regem Cancellarii.