Briefwisseling van Hugo Grotius. Deel 5

2079. 1635 mei 8. Aan A. Oxenstierna¹⁴.

Excellentissime Domine,

14 Hs. Stockholm, RA., orig. eigenh. ondertek. Gedrukt Epist. (gedeelt.), p. 144; Oxenst. Skrifter 2 afd. II, p. 30.

[p. 450]

Lutetiam hac vespera cum venissem, D. Broersonum¹ heic reperi aegriorem quam vellem. Tenet enim eum febris satis fervida, sed, quod in juvenili corpore spem bonam facit, vim suam projiciens extrinsecus. Neque medici consilio deerunt nec domus nostra auxilio; cujus rei quo magis certa sit Sublimitas tua, rogo credat, ipsum a me dilectum, non tantum pro reverentia, quam Sublimitati tuae debeo, verum etiam ob proprias virtutes.

Quod meae conjugi Sublimitas tua munus misit vellem quidem excusare ipsi licuisset, cum nihil a nobis Sublimitati tuae esset praestitum, quod non ipsius esset pleno jure, et mihi, etiamsi multo praestitissem majora quam aut mea ferebat copia aut tua patiebatur frugalitas, abunde id pensatum fuisset honore excepti tanti hospitis. Sed quando Sublimitati tuae visum est supra tot beneficia nos hac etiam benevolentiae suae testatione ornare, quod unum possum memorem gratumque spondeo animum.

Novi nunc quidem nihil intelligo, sed ad ea venanda et quae mihi mandata sunt explicanda, cras accingar.

Deus, Excellentissime Domine, et iter hoc et res ceteras Sublimitatis tuae bene prosperet.

Lutetiae, 8 Maji novi Cal. 1635.

Sublimitatis tuae devotissimus cultor
H. Grotius.

1 Erik Brorsson Rålamb, zoon van Oxenstierna's nicht Anna; hij lag ten huize van Grotius ernstig ziek.

Postridie quam haec scripseram misi ad Butillerium filium². Dictus est abiisse in Britanniam Armoricam, ubi est frater regius³, et forte non rediturus intra menses aliquot. Restat igitur, ut conveniam Bulionium⁴ et ex ipso sciam, quid mandati acceperit.

Scribit mihi ex Cassellis Hermannus Wolfius⁵ tres cohortes hostium caesas a Guilielmo duce⁶ ad urbem Neustadium et ad lacus Magnum Parvumque; eundem ducem 3/13 Aprilis ivisse Hildesheimium, ut cum Bannerio⁷ agat de exercitu viginti millium componendo, quo eatur in Thuringiam et Hersfeldum contra copias Piccolominaei⁸, Isolani⁹ et Carpi¹⁰ et porro, si ista bene succedant, Mansfeldius¹¹ cogatur in proelium. Pacem Pirnensem¹² vult evanuisse castello Coburgo contra induciarum fidem capto a caesarianis, de quo ultum se electorum caesis tribus caesarianorum in Bohemia cohortibus. Addit Neustadium et Nyburgum de deditione agere. Sed puto et ipsum Wolfium tuae Sublimitati scripsisse.

8 Maji novi Cal. hora nona matutina.

2 Léon le Bouthillier de Chavigny.

3 Gaston Jean-Baptiste de France, hertog van Orléans en broer van Lodewijk XIII.

4 Claude de Bullion, sieur de Bonelles, surintendant des finances en secrétaire d'Etat.

5 Hermann Wolff, Zweeds gezant residerende te Kassel.

6 Wilhelm V, landgraaf van Hessen (1602-1637).

7 Johan Banér (1595-1641), Zweeds veldmaarschalk.

8 Ottavio d'Arragona, prins van Piccolomini, hertog van Amalfi.

9 Johann Ludwig, graaf Isolani, aanvoerder der Kroatische ruiterij in het leger van Ferdinand II.

10 Johann Jacob Karpsen, legeroverste van Ferdinand II in de Dertig-jarige oorlog.

11 Philipp, graaf van Mansfeld.

12 Gesloten in 1634 tussen Johann Georg, keurvorst van Saksen, en keizer Ferdinand II.

[p. 451]

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.