Briefwisseling van Hugo Grotius. Deel 5

2080. 1635 mei 9. Aan L. Grubbe¹.

Magnifice Domine,

Ex quo literis Magnitudinis tuae respondi² vocatus a D. cancellario³ per Campaniam iter faciente cum ipso Compendium ivi, ubi rex⁴ erat et aula. Obviam ei a rege missus comes Alesius ducis Incolismensis filius⁵; publicitus ipsi dapes et hospitium quot per dies Compendii fuit magnifice praebita auditus a rege me interprete. Reginam⁶ adiit, deinde cardinalem⁷, qui ipsi officium salutationis in hospitio ipsius reddidit. Rege ad Belgicum finem belli, ut creditur, in Hispanum⁸ parandi causa abeunte valedixit ei donatusque ab eo est adamante praeclaro quidem, sed praeclarioris affectus pignore. Inter id tempus cum proceribus, quorum rex consilio utitur, colloquiis saepe mutatis convenit cum eis in fedus belli communiter gerendi neque faciendae nisi communiter pacis. Id per se egregium ad famam quoque conducet, cui si accedat, quod aula omnis hic sperat, ut rex Galliae aperte et sine ambagibus hostem se non minus Caesaris⁹ quam Hispani profiteatur factisque tantae potentiae convenientibus demonstret, magnum id momentum fore speramus ad abstinendos ab omni segrege pactione protestantium Germaniae principum animos. Ad eam rem plurimum adferet Magni cancellarii illis in partibus vestris praesentia, cui non aliud morae erit quam ut mari in Bataviam eat, et ibi quoque firmata amicitia hoc tempore si unquam necessaria inde ad vos veniat.

Vallis Telinae castella omnia Gallorum armis, quibus nunc moderatur dux Rohanius¹⁰, in potestatem venisse Rhaetorum credo jam intellexeris. Magno id factum Rhaetici Helveticique federis, magno etiam Italiae et Germaniae bono perruptis claustris, quibus Hispanus gentes illas inter se, Italiam etiam a Gallia distinebat. Augentur Rivae et Bormii castella. Neque eo minus misere Rhaeti ad Aenipontis archiducissam¹¹ testatum se Gallorum ope suis providisse finibus, de caetero paratos observare vetera cum Austriaca domo federa. Ab ipsa quoque non omissum vicissim legatum curiam Rhaetorum mittere Iacobum Curtium de la Torre¹², satis manifesto indicio bellum ab Austriacis contra Gallos ne nunc quidem appeti. At vero rex Bruxellis residentem suum¹³ revocavit nec alium

1 Copie Den Haag ARA. Eerste afd. coll. H.d. Gr. Aanw. 1911 XXIII no. 1, p. 12. Gedrukt Epist., p. 144. Voor geadresseerde zie no. 2064, p. 432 n. 12.

2 Wellicht no. 2064.

3 De Zweedse rijkskanselier Axel Oxenstierna.

4 Lodewijk XIII van Frankrijk.

5 Louis Emmanuel de Valois, graaf van Alès, later hertog van Angoulême (1596-1653), zoon van Charles de Valois, hertog van Angoulême; zie over deze laatste III, p. 144 n. 1.

6 Anna van Oostenrijk.

7 De Richelieu.

8 Philips IV van Spanje.

9 Ferdinand II.

10 Henri, graaf van Rohan.

11 Claudia de Medici (1604-1648), weduwe van de in 1632 te Innsbrück overleden aartshertog van Oostenrijk-Tirol Leopold V (geb. 1586).

12 Over deze Della Torre heb ik geen nadere gegevens kunnen vinden.

13 Nicolas le Seigneur, sieur d'Amontot, van 1633 tot mei 1635 resident van Frankrijk in Brussel.

[p. 452]

mittit. Hispanus vero legatus¹ Galliam reliquit insalutato rege spretisque ejus muneribus.

Deus te incolumen diu servet.

Lutetiae, IX Maji nov. Cal. MDCXXXV.

Tuae Magnitudini addictissimus
H. Grotius.

1 Don Christoval Benavides de Benevent.

Accessit, postquam id scripseram, novum belli praesagium commercia cum Hispani subditis a rege Galliae suis interdicta.