Briefwisseling van Hugo Grotius. Deel 5

1963. [1635 of later] Van S.F. Gostomsky².

Nobilissime amplissimeque Domine,

Plenum beneficium tibi debere me intelliges, si postulationi meae morem gesseris, quod te praestiturum singularis benignitas et omnibus ad te se recipientibus testificata propensa opera pollicetur. Necessarium quippe est, ut elogio quopiam meam in hoc sacrosanctum purpuratorum consistorium observantiam testificer, ut eo illos incitem ad confirmandam Trapezitis Rambulli advocati (?) fideiussionem; subolfeci³ etenim nonnullos refragari. Genii mei imbecillitas toti orbi et urbi admirandam sagacissimam suadam tuam implorat, ut haec aliquot lineolis gratias agat itemque ut integram hospitalitatem declarent obsecret, quas ego, si negotiorum tuorum patitur commoditas, horis vespertinis typis excudi curabo, ut, dum ingressum senatores ad classem edictalem die lunae accellarent, illud encomium per meum causidicum offeratur.

Quo ego novo genere favoris a Nobilissima Dominatione Vestra auctus haud ingratus vixero, sed ardentissime obtestor ut servulus meus id aliqua horarum, quam illi indicaveris, recipiat.

Vale interim, vir saeculi nostri splendor.

2 Hs. Leiden, U.B., cod. B.P.L. 749. Eigenh. oorspr. De brief is vermoedelijk aan Grotius in zijn hoedanigheid als gezant gericht; daar gegevens voor nadere datering ontbreken, plaats ik hem aan het begin van Grotius' gezantschapsperiode.

3 Vgl. Petron. Satyricon 45, 10: sed subolfacio, quod nobis epulum daturus est Mammaea.

[p. 296]

Tuae Dominationis addictissimus servus
Sigismondus Ferdinandus Gostomsky.

Adres: A Monsieur Monsieur Grotius.