Briefwisseling van Hugo Grotius. Deel 5

1955. 1634 september 21. Aan J. Dupuy³.

Quas ad me, vir nobilissime, misisti XXV Aprilis literas⁴, eas cum optimi senis Cordesii literis⁵ Cramoisii⁶ manu accepi, cui, si quid praestare boni potero, id et ipsi et vobis deberi censebo.

Post Ratisbonae jacturam⁷ secuta est Danubiwerta⁸, post hanc praelium infelicissimum⁹ his rebus, duobus optimis exercitibus prostratis, ita ut omnium ferme judicium sit nisi viribus Galliae restitui res non posse. Et bene evenit, quod victores partim in Bohemiam, partim in Belgicos fines abiere. Nam si hanc in partem vis illa et terror incubuissent, conventus hac in urbe¹⁰ tamdiu tracti finis fuisset plane turbidus; nunc cum aliqua saltem concordiae¹¹ specie discessum est resque permissa directori¹² et manentibus heic adsessoribus.

Ego fratrem regium¹³ a multis deseri non miror satis intelligens, quam alienum sit a Gallicis animis suo periculo et regii sanguinis obtentu res agere Hispani¹⁴. Si tamen ille aliquid movet, habetis apud vos profugos Belgas principes, per quos vos ulciscamini.

In Batavis Breda adventu marchionis Aitonae¹⁵ exempta obsidio, in Flandriam terra marique in ........ ia tentamentum, Trajecti ad Mosam lubricus status, multum hebetant rerum diu prosperarum claritatem. Sed et ibi non minus quam heic remedium malis a vestra magnitudine opibusque sperabitur.

Adversus Lotharingum¹⁶ videmini mihi non multo aliter agere quam is, qui, cum trabe caput alterius percussisset, ei, sibi ut caveret, inclamabat. Post vim non deerit juris species.

3 Hs. Parijs, Bibl. Nat., fonds Dupuy 583, f. 26. Eigenh. oorspr. Gedrukt Epist., p. 128; Ep. ad Gallos, p. 361. Antw. op no. 1950.

4 No. 1950; ‘Aprilis’ is een verschrijving voor ‘Augusti’.

5 Vgl. no. 1952, p. 278 en n. 14 aldaar.

6 De Parijse drukker-uitgever Sébastien Cramoisy; zie no. 1950, p. 275 n. 4.

7 Zie no. 1954, p. 282 n. 7.

8 Zie no. 1954, p. 282 n. 8.

9 Zie no. 1954, p. 282 n. 9.

10 Zie no. 1954, p. 282 n. 6.

11 Er staat ‘discordiae’ gecorrigeerd in ‘concordiae’.

12 De Zweedse rijkskanselier Axel Oxenstierna.

13 Gaston Jean-Baptiste de France, hertog van Orléans en broer van Lodewijk XIII.

14 Philips IV.

15 Francisco de Moncada, graaf van Ossona, markies van Aytona.

16 Karel IV, hertog van Lotharingen; zie no. 1950, p. 276 n. 1.

[p. 284]

Baugiaco¹ successorem Hagae fama destinat Sancto-Stephanum², cum antehac Charnacaeum credidissent plerique. A Salmasio de re vestiaria³ librum ubi habebimus, tecum censeo non inspiciendos nobis ejus argumenti alios; ita ille omnia cum pulvisculo solet corradere.

Uxor liberique nostri pro sui memoria gratias vobis agunt prosperaque domui vestrae precantur omnia. Baronem Skyttum⁴ vobis iterum commendo.

Francofurti ad Maenum.

XI/XXI Sept. MDCXXXIV.

T. Nob. addictissimus
H. Grotius.

1 Nicolas de Baugy; vgl. no. 1950, p. 276 en n. 7 aldaar.

2 J. de Beaumont, sieur de Saint-Estienne; hij was de zwager van François Leclerc du Tremblay, de bekende père Joseph, vertrouweling van De Richelieu.

3 Vgl. no. 1950, p. 276 en n. 9 aldaar.

4 Johan Skytte; zie no. 1950, p. 277 en n. 2 aldaar.

Adres: A monsieur Monsieur Jaques du Puy, à la maison de monsieur de Tou A Paris.