Briefwisseling van Hugo Grotius. Deel 5

1894. 1633 november 19. Aan P. en J. Dupuy¹.

Iuvenes isti Germani² commendati mihi a viris eruditionis fama florentibus ex patria sua bello cum maxime ardente in altae pacis loca, id est in Galliam, se conferunt simul et quieti suae consulentes et quaerentes profectum ex virorum literatorum amicitia.

Vobis igitur ante alios hosce adolescentes tradendos existimavi, qui mihi semper inter primos amicorum fuistis et nunc prope restatis soli Rigaltio³ Mediomatricas, Salmasio⁴ Lugdunum, Tileno⁵ in vitam traducto meliorem. Pluribus uterer verbis, nisi scirem id a me peti, quo vos sponte fert bonitas vestra.

Hamburgi IX/XIX Novembris MDCXXXIII.

Vester toto animo
H. Grotius.

1 Hs. Parijs, Bibl. Nat., fonds Dupuy 583 f. 29. Eigenh. oorspr. Gedrukt Epist., p. 119; Ep. ad Gallos, p. 340.

2 Niet geïdentificeerd.

3 Nicolas Rigault; hij was procureur-generaal te Metz geworden.

4 Cl. de Saumaise was in 1631 te Leiden benoemd en daar medio november 1632 aangekomen.

5 Daniel Tilenus; hij was op 1 augustus 1633 overleden.

In dorso: lettre de Mr. Grotius du 19 Nov. 1633. Hamburg.