Briefwisseling van Hugo Grotius. Deel 5

1823. 1633 [na 15 maart]. Van G.J. Vossius².

Maxime et amicissime virorum,

Non excusabo apud te diuturnum silentium, quamvis te prope solitarium sciam vivere eoque gratiores amicorum literas credam. Etenim satis occupationes meas nosti; et quod scriberem, nihil magnopere erat. Nunc scriptionem differre diutius nec volui nec potui: quippe .....³ mihi videbatur Salmasii⁴ ad te literas a me, sed sine meis literis venire.

Vir ille nihil aeque quam tuam absentiam dolet. Nec multum miror, cum vivat Lugduni. Scis, quid velim dicere. Ante dies non ita multos adfuit mihi quispiam ex amicis Aristarchi⁵, qui in tantum moribus et doctrinae Salmasianae detractum ibat, ut non multum supra semidoctos ponere videretur. Cui cum non mediocriter adversarer, ille quodammodo mihi postea accedere, sed dicere, haec nemo Lugduni promere auderet. Nemo credo ex parasitastris Aristarchi parvulis: Nam alia mens paulo cordatioribus, qui et Salmasio et Aristarcho suas tribuere laudes sciunt.

2 Gedrukt Vossii Ep., p. 265; Voss. Op. IV Ep., p. 174. De brief is beantwoord door Grotius op 9 april (no. 1833) en door Vossius verzonden met die van Salmasius aan Grotius dd. 15 maart (no. 1822); hij zal dus kort na laatstgenoemde datum geschreven zijn.

3 Hier moet een woord uitgevallen zijn.

4 De Franse geleerde Cl. Saumaise, die sedert medio november 1632 te Leiden was.

5 Daniel Heinsius, schrijver van Aristarchus sacer, sive ad Nonni in Johannem Metaphrasin Exercitationes, Leiden 1627; voor de moeilijkheden tussen Heinsius en Salmasius zie IV, p. 411 n. 1.

[p. 106]

Caeterum praeterquam quod nonnulli Salmasio non satis sint aequi, etiam aer est molestior, ut ambigat, an aetatem illic vivere possit. Hoc spero; nolim enim Batavia, postquam sole suo¹ caret, cito adeo fraudari sydere, quod nuper accessit. Utinam hoc effici possit, ut brevi fruamur utroque. Hoc in voto optimo cuique. Procerum quidem hujus urbis animus est in te qui fuit, et debet; sed opinio est nihil effici posse, priusquam aliquid certi de pace vel induciis aut bello constiterit.

Gallus² sedulo operam dat, ne Belgica coalescat multaque ad bellum promittit. Sed verendum, ne si auscultemus, facile aliquid impediat postea, cur pollicitis stare non possit.

Operis mei grammatici³ jam dimidia pars excusa est. In quarto enim libro occupantur operae. Intra sex septem menses puto caetera consummanda. Mitto tibi Panegyricum et Poematium filii Dionysii⁴. Gratum utrumque fore scio ego et sperat filius, quamvis se probare tibi rudem Musam vix arbitretur.

Vale et cum filio⁵ salve. Etiam Tiliobrogae⁶ salutem dices, si occasio erit.

Amstelodami.

1 Grotius.

2 Lodewijk XIII van Frankrijk.

3 Gerardi Ioannis Vossii De arte grammatica libri septem. Amsterdami, Apud Guilielmum Blaeu 1635.

4 Dionysius Vossius (1621- 25 oktober 1633) gaf dit jaar o.m. uit Panegyricus, dicatus Frederico Henrico, Arausionensium principi. Eiusdem Fredericus Victor. Amsterdami, apud Guil. Blaeu 1633.

5 Cornelis, Grotius' oudste zoon, die bij zijn vader in Hamburg verbleef.

6 Friedrich Lindenbrog; zie p. 44, n. 3.