Briefwisseling van Hugo Grotius. Deel 5

1805. 1632 december 22. Aan J. Dupuy⁷.

Abest Hamburgo Lutetia quam vellem longius, non tamen
Quantum Hypanis Veneto dissidet Eridano⁸.

Et tamen, si tantum abesset, sperare literas recentiores poteram quam tuae, quae mea est infelicitas, advenerunt, quas scriptas Calendis Octobribus die XIX Decembris novi calendarii accepi. Itaque nescio, quo malo fato tibi, iuvenis nobilissime, scribendi labos, mihi legendi voluptas, nisi qua parte vos salvos nostrique non immemores didici, paene periit.

Mommorantium⁹ captum nuntiabas: dudum est, quod esse desiit. Ipsi amico nostro communi D. de Hayes¹⁰ tot dies noctesque non parum, ut spero,

7 Hs. Parijs, Bibl. Nat., fonds Dupuy 583, f. 16. Gedrukt Epist., p. 111; Ep. ad Gallos, p. 305. Eigenh. oorspr. Beantw. d. no. 1821.

8 Propertius, Eleg. I, 12, 4.

9 Henri, duc de Montmorency; zie III, p. 69 n. 2.

10 Antoine de Hayes, wiens zoon Louis in 1632 was onthoofd; vgl. III, p. 203 n. 4.

[p. 84]

detriverunt de luctu gravissimo sane, nisi eum majora etiam exempla solarentur. Iam si aeque testudineus erit harum literarum gradus, quid ego tibi de dubiis post Sueciae regis mortem¹ protestantium rebus scribam, quas interim, dum hae ad vos arrepunt, nova forte acies aliqua aut restituet, aut evertet.

Bohemiae regum uterque mortuus nuntiatur et ὁ ἀποτυχὼν² et ὁ ἑπιτυχὼν³; interim forte Saxonis erit Bohemia.

Caesar⁴ aegrotare dicitur: alium quis scit an non interim habebimus. Nam quid ego nunc vobis rumores, qui de rebus vestris huc feruntur, referam; id est quomodo Germanus Schombergius⁵ avidius se patinae immergens veneno abreptus sit, cujus violentiam Gallus cardinalis⁶ cibi parcior eluserit, praestructa scilicet ab Hispanis nece, dum non aliud reperiunt remedium discutiendo quod agitabatur reginae⁷ repudio. Haec ego si a te nova ac certa haberem, triumpharem apud Hamburgenses, scilicet ut apud Ithacesios Ovidiana Penelope.

Haec ego si possem timide credentibus ‘ista Ipse mihi scripsit’ dicere, quanta forem?⁸

Sed haec quidem forte ad nos parum; illud magis, quod cognovisse ne nunc quidem serum est, bene procedere editionem trium inter Christianos veteres eruditionis haud minimae, Tertulliani, Theodoreti, Cyrilli⁹; cujus gaudi jam aliquot hic meliorum literarum colore tinctos feci participes, quorum est Lindenbrogius¹⁰ vestri Rigaltiique¹¹ ita ut par et aequum est amantissimus.

De Thuano¹² votis vestris justissimis accedo; nunquam ei tanta continget fortuna, quin majora eum mereri quovis pignore ausurus sim contendere. Florentem illum aula, Italia fratrem¹³ remittat. Tuum vero fratrem¹⁴, quod interdum liberiore ruris coelo fruitur tanto praesertim et tam amico comite laudo sane irasci ei solitus, quod oculis suis minus parceret; quos si habere se melius cognovero, nihil oculi mei laetius legent. Et ipsi et amicorum caeteris habeo gratias quantas possum maximas, quod servare mihi laboraverint id, quod in fundo dolii resederat. Futuri temporis spes omnes abdico contentus loco et fortuna, quam Deus dederit. Satis mihi praestabit Gallia, si vos amicosque alios diu sospitet mihique sospites nuntiet.

Scribebam Hamburg XII/XXII Dec. MDCXXXII.

Tuus totus
H. Grotius.

1 Gustaaf II Adolf was op 16 november bij Lützen gesneuveld.

2 Dit kan alleen maar de latere keizer Ferdinand III (1637-1657; geb. 1608) zijn, wiens doodsbericht dus een vals gerucht was. Vgl. no. 1811, p. 91 en n. 7 aldaar.

3 Frederik V van de Palts, de Winterkoning, die op 29 november 1632 was overleden.

4 Ferdinand II.

5 Henri, comte de Schomberg, was op 17 november 1632 overleden.

6 De Richelieu.

7 Anna van Oostenrijk; zie III, p. 27 n. 8.

8 Ovidius, Heroidum Epist. VI, 15.

9 Vgl. no. 1784, p. 65 en nn. 6, 8 en 9.

10 Friedrich Lindenbrog; zie no. 1764, p. 44 en n. 3 aldaar.

11 Nic. Rigaltius - Rigault -; zie III, p. 188 n. 2.

12 Jacques Auguste de Thou.

13 François Auguste de Thou; zie over deze en voorgaande IV, p. 2 n. 8.

14 Pierre Dupuy.

Adres: A monsieur Monsieur Jaques du Puy. A Paris.