Briefwisseling van Hugo Grotius. Deel 5

1798. 1632 november 13. Aan Willem de Groot⁴.

Quanquam in tam infesta mihi patria, quid mihi boni obtingere possit ex iis, quae nunc ibi in consultationem veniunt, mi frater, haud multum video; tamen pro officio duco Christiani hominis, addam et pro amore meo in bonos cives sine odio in malos, et optare statum intus extraque tranquillum et nonnihil delectari, cum video non omnino ad tales cogitationes occaluisse vestrorum hominum animos.

Nec minus idem boni opto Germaniae, in qua nunc vivo, quanquam video accensos in spes magnas partium animos, nullum ferme ponere aut cupiditatibus aut ultioni modum.

Saxonia respirare dicitur reditu ad se invicti regis⁵; pro quo Boditius⁶ Rheno adsita occupat, Papenhemio⁷ vastanda relinquens quae sibi sunt propiora. Non miror, si Belgarum legati⁸ suae potestatis instrumentum non aperiunt, dum nostri nondum se ad audiendas conditiones bene paratos ostendunt. Solent enim talia instrumenta a partium utraque eodem tempore exhiberi.

Regem Britanniae⁹ puto quidvis potius facturum quam ut portus Flandriae patiatur venire in manus Galliae, quo tendere videntur Egmundi¹⁰ molitiones, ducem se Geldrae, comitem Zutfaniae, Machliniae dominum scribentis fretique Galliae viribus. Dudum est quod illis locis oculos Galli injiciunt probabili colore, ut nostris auxilia mittere possint certa nec a ventis fluctibusque pendentia.

Brasserum¹¹ in Britannia cum dignitate haerere gaudeo. Vides, quorsum alienum a me se gesserit. Temporum sunt homines; ego interim tempus perdo magno meo meorumque dispendio. Orsoia¹² exemplis accedet elapsae e manibus

4 Gedrukt Epist., p. 846.

5 Gustaaf II Adolf.

6 Von Boditz(?); niet nader geïdentificeerd.

7 Gottfried Heinrich zu Pappenheim; zie no. 1793, p. 73 n. 1.

8 Bedoeld zullen zijn de no. 1800, p. 78 en. n. 7 aldaar genoemde afgevaardigden van de Staten-Generaal te Brussel Jacob Boonen, Philips Karel van Aarschot en Jacob Edelheer.

9 Karel I.

10 Lodewijk, graaf van Egmond, prins van Gavre, baron van Hamaïde, heer van Fiennes, Amentieres etc. (1600-1654). Hij behoorde tot de leden van de hoge adel, die uit ontevredenheid een opstand tegen Spanje in de zuidelijke Nederlanden voorbereidden; bij verstek ter dood veroordeeld vluchtte hij naar Parijs, waar hij een instrument was in handen van kardinaal Mazarin gericht tegen de Spaanse Nederlanden.

11 Govert Brasser, pensionaris van Delft; zie III, p. 137 n. 2.

12 Orsoy, in 1632 door Willem van Nassau veroverd, betekende als eindpunt in de Maasveldtocht een anticlimax in de krijgsverrichtingen van 1632.

[p. 78]

possessionis, dum ea fruendis nimia est festinatio. Timeo vero, ne quale hoc in militia similia similibusque de causis in Republica peccata admittantur. Quanquam haec quid ad me? Multo magis illud ut parentes, te, tuam¹, tuos nostrosque omnes Deus propitius sospitet.

3/13 Novembris 1632. Hamburgi.

Tuus tui amantissimus
H. Grotius.

1 Alida Graswinckel.