Briefwisseling van Hugo Grotius. Deel 5

1792. 1632 oktober 8. Van G.J. Vossius¹.

Hugoni Grotio, S.P. Hamburgum.

Jucundissimum fuit de prospera valetudine tua cognoscere ex optima et cordatissima tua uxore, quae salva ac sospes huc venit; et hinc Hagam abiit nudiustertius, pridie nempe non. Octobr.

Die uno altero ante eodem ierant Vlamingius², Bickerus³, et hujus urbis procerum alii audituri legatos hostilis Belgicae de pacis conditionibus.

Accepi his diebus literas Merici Casauboni⁴ tibi inscriptas, quas mitto.

Lamerius⁵ jam dudum a me habet tuum pro veritate Christiana codicem, in quo pluscula et correxeras, et addideras, et jam majusculis excudere literis coepit⁶.

Commentariorum meorum de arte Grammatica⁷ primus jam liber est excusus et pene secundus. In Reidano⁸ vero, quem Latine reddidit filius Dionysius⁹, nono nunc libro fervet praelum.

Haec paucula nunc scribenda putavi eunte ad vos optimo et ornatissimo viro, Matthisio¹⁰, Ecclesiaste inter remonstrantes, qui Hamburgum proficiscitur ducturus ibi uxorem cum maximis opibus.

Amstelodami.
MDCXXXII.
Postr. Non. Oct.

Tuus totus,
G.J. Vossius.

1 Gedrukt Voss. ep., p. 229; Voss. Op. IV ep., p. 144. Beantw. d. no. 1794.

2 Dirck de Vlaming van Oudtshoorn.

3 Dr. Andries Bicker; zie III, p. 88 n. 2.

4 Zie over hem no. 1785, p. 66 n. 5.

5 De Leidse uitgever Jean le Maire.

6 De uitgave van 1633; Ter Meulen-Diermanse, no. 947.

7 Gerardi Ioannis Vossii De arte grammatica libri septem. Amsterdami, Apud Gulielmum Blaeu 1635.

8 Everard van Reyd, Historie der Nederlantscher oorlogen begin ende voortganck tot den jare 1601, Arnhem 1626; vgl. III, p. 143 n. 4.

9 Het werk van Reyd is door Dionysius Vossius in het latijn vertaald onder de titel: Belgarum aliarumque gentium annales auctore Everardo Reidano Dionysio Vossio interprete Lugd. Batav. 1633.

10 Assuerus Matthisius - Sweer Matthijssen - (± 1593-1651), sedert 1631 remonstrants predikant te 's-Gravenhage. Zie betreffende het hier bedoelde - Matthisius' tweede - huwelijk (met Agneta van de Wouwere - † 1636 -, weduwe van Henrik Simons) B. Tideman Jz., De Huwelijken van Assuerus Matthisius in Uit de Remonstrantsche Broederschap onder redactie van Dr. J.A. Beyerman. Zestiende Jaargang. Leiden, A.H. Adriani 1905, pp. 89 vv.