Briefwisseling van Hugo Grotius. Deel 5

1745. 1632 februari 18. Aan Willem de Groot⁸.

Iterum de rege Sueco⁹, mi frater, sermones ad aures meas, sed ut nunc res meae ferunt per plures internuntios venerunt. Dicitur autem origo esse ab Oxensternio legato¹⁰ nunc Hagae. Quanti regem faciam, scis tu, sciunt et alii. Ut in-

8 Gedrukt Epist., p. 845.

9 Gustaaf II Adolf, die al sedert 1626 pogingen deed om Grotius in Zweedse dienst te krijgen; zie no. 1063 (III, p. 34).

10 Bengt Bengtsson Oxenstierna; zie IV no. 1658, p. 420 n. 1.

[p. 25]

certa spe mutem sedes, inconsultum est. Nec satis est rem facere, aliqua et dignitatis habenda est ratio. Ii, qui hac de re ad me hoc de negotio nuntiari jusserant, existimabant regem mea opera in aula Gallica uti velle. Si legati titulo et iis commodis unde sustentari dignitas possit, esset de quo cogitari deberet.

Sed et ab Anglia aliqua me aura afflavit. Deliberandum est diu quod faciendum est semel.

Tu siquid intellexeris ad consilia nostra pertinens ejus nos rogo facias participes. Monendus non es ita agenda omnia, nequid ambire videamur. Tempus, ut spero, pro nobis erit.

18 Februarii 1632.

Uxori tuae¹, liberis, parentibus², amicisque omnibus fausta precor omnia.

Tui amantissimus frater
H. Grotius.

1 Alida Graswinckel.

2 Jan de Groot en Aeltgen van Overschie.