Briefwisseling van Hugo Grotius. Deel 4

1698. 1631 november 24. Aan Willem de Groot¹.

Advocatis, mi frater, optimis atque eruditissimis viris gratias satis dignas agere non possum, quod in negotio gravi tam fidele dederunt consilium, pro honorario, quod recusant, honorem ipsis habeo, dum vivam, et, siquid unquam ultra potero, id meritis ipsorum reddam. Sorgii² cogitatio mihi non displicet. Hertogsveldius³ et Berckelius⁴ hinc absunt neque existimo Goederedium⁵ quicquam rei gravioris in se recepturum.

Ita tempus ad Conventum extrahetur. Ad Federatos scribere, si id fieri possit ut fecit Utenbogardus⁶, qui de jure suo nihil decessit, non subterfugerem. Multum refert, quid et qualiter scribatur, qua super re lubebit intelligere amicorum consilia. Responsi, ut et alterum exemplum fiat, et quamplurimis celeberrimisque signetur, utile fore existimo.

Vale, mi frater.

24 Novembris 1631.

Tibi obligatissimus frater
H. Grotius.

1 Gedrukt Epist., p. 843.

2 De rechtsgeleerde Nicolaes van Sorgen, advocaat van den Hove van Holland.

3 Cornelis Jansz. Hartingsveld of Hartigsvelt, burgemeester van Rotterdam.

4 Gerard Jansz. van Berckel, burgemeester van Rotterdam.

5 Dr. Pieter Willemsz. van Goedereede († 14 december 1631), stadsdokter van Rotterdam, schepen 1623-1624, lid van de vroedschap 1625-1631, burgemeester 1626, 1627, 1631.

6 Johannes Wtenbogaert; vgl. n^o. 1692, p. 452 en n. 7 aldaar.